عقود
من عمر الزمن ضاعت آمال
وآمال
من عمري تضيّع سنيني
بيني وبين الوقت ...
قصة وترحال
لِيتك
عذرتي باقي الوقت فيني
تدرين
لو هي ساعةٍ بس يا فال
لا دمعةٍ فيها ولآني حزيني
حرّكت بالمجداف
همّ ٍ على البال
وابحرت
ما بين الوله والحنيني
حبيبتي
ليلي من الوجد مدهال
اسري غلاك
ولا ترى الدرب عيني
ما قلت لك
عمر الزمن ضيّع الحال !
بالله
من زود الوجع ريحيني
تعبت
من ترحال ما فيه مقيال
واتعبت
بالسير الركايب .. تريني
يا بنت
قصة مالها ضي واظلال
اسقي حنين الوجد
كاحل يميني
واتبع سراب الوقت
من غير منوال
تطويه نفسي
وش بقا ترهقيني ؟!
طيفك
غدى ما بين صمتي والاقوال
همسٍ ..... يسابقني .... عليك
أعذريني .
ــــــــــــــ
تحياتي لكم ،،،
سالم العامري