عامية مصرية ..
(١)
في يوم من الايام
زي اي يوم
فتحت انا الدولاب
بصيت لقيت البوم
البوم الذكريات
البوم صور قديم
اشتقت لماضي فات
و عدى من سنين
فتحته لما زاد
و فاض بيا الحنين
لقيت صورة و تاريخ
مايو ٩٩
(٢)
صورة لاتنين شبهنا
بيضحكوا للكاميرا
طايرين من السعادة
و الفرحة بيهم طايرة
فاكرين الفرحة دايمة
مش عارفين السنين
بتاخد اللي ليها
واللي عليها و مين
يقدر يقولها لأ
داحنا يا دوب اتنين
فرحنا يوم في العمر
ف مايو ٩٩
(٣)
تفتكروا لسه عايشة
لسه فاكرة اللي فات
لسه الحنين واجعها
لسه بتقول اهات
ايام الحب كانوا
ولا كل السنين
ياريت العمر مايو
سنة ٩٩
فريد