:::..بــــحــــر جِــــدّه..:::
 

[POEM="font="Simplified Arabic,4,darkblue,bold,normal" bkcolor="transparent" bkimage="./images/backgrounds/.gif" border="groove,4,royalblue" type=2 line=0 align=center use=ex num="0,black""]موادعك يابحر جده وملّيت منك=ماشفت عندك سوى الضيقه وكثر السهاد
ملّيت جوّك وبه ملّيت حتى وطنك=ماعاد لي فيك شفّ ولابقالي مراد
الله من ليلة جيتك وانا البال ظنك=مابين هم الليالي والعنى والبعاد
والصدر مزحوم بالضيقات تقول بنك=تقول فيه التزاحم بإكتتاب البلاد
قال أنت وش فيك ضايق نزّل الحمل عنك=وانا على شيلته حاضر متوني شداد
إن كان همّ الليالي في حضوري سجنك=ماني بحر كان ماحررتك من القياد
وان كان وقت العنى فيما رويته سكنك=باالموج ينحل وضعك صبح والا هجاد
وان كانه البعد يوم الطيف جاك وحضنك=الله يعينك ومنه هموم نصّ العباد
قلت ايه هذا بلا صدرٍ بضيقه زبنك=انشهد انه حضنّي لين عفت الرقاد
طيف الذي لو غلاه تراب يمكن دفنك=خلاّك مع الصحاري يابحر في عداد
قال ايه داري ولكن في غيابه طعنك=خلى عيونك بدونه للسهر بإعتياد
في كل ليله على موّال تسحب لحنك=هايم مع القاف لاجله كل ليله بواد
قلت أقصر الهرج تكفى دامني مئتمنك=تراي ضايق وراسي صعب وقت العناد
باالوقت هذا وداعاً ضقت ملّيت منك=يمكن لنا وقت لاحق نلتقي بإنفراد[/POEM]

وسلامتكمـ...

مرحباً .. بهذه الإطلالة المشرقه


أضاء المتصفح بمقدمكـ


وشعّ بإشراقتكـ


فلكـ شكراً إلى اللا حدود



دمــت مُعـــافـــا