|
أخ.....ــرس؟
ادعس وهي تدعس..وتدعس وانا ادعس=وتاخذ وتعطيني وانا احط واشيل. شيطانة" منها عيوني تطلمس=ومن غطرستها لي تجر المواويل. تروحت يوم اقبل الليل وادمس=وجه" عبوس ولا تعرف المناديل رمستها رمسه وقامت تحسس=(وقهويتها من عامسات الفناجيل). مجلاسها لا روحت صدر مجلس=والياء سرت زهملتها بالزهاميل. قامت تدرسني على الشعر وادرس=وانا بعد علمتها تركب الخيل. الجمتها يما طلع نسلها أخرس=واخرستها..عن كثرة القال والقيل ومن التعاسة حظها اتعس وانا اتعس=وبها الزمن قمنا نشوف التهاويل. الغرس وين الغرس..! والقدس مفلس=(عزيز قوم) وذلله بيننا. ذيل.! على هوان" حل...(الكل مسلس)=ظلم وظلام وطافيات القناديل اليا متى وابن اليهودي مفدعس=بالمسلمات اللي طفح فيهن الكيل. ولا كفاه القدس قام يتدحوس=في شرقنا اللي قام يشكي الغرابيل بغداد والبصره لها الغول يفرس=وحنا مع الأسهم وسعر البراميل. يالله عسها فوق اهلها تكرفس=(.............) مافكرة بالمحاصيل. ويا مقسم" بالصبح اذا تنفس=فزعتك يا مرسل طيور الأبابيل. بك الرجا واللي رجا غير افلس=انك تعدل بالزمن كثرة الميل. |
اللهم آمين يا اخوي صح لسانك
وسلمت يمناك قصيده رائعه أبتسمت في البدايه ولكن في النهايه تجمدت أبتسامتي على شفتي لنا الله وكفى كل الشرف لي أن أحجز المقعد الأول من قصيدتك ،، ،، ، كل الود والورد |
زويّد الرويلي جميلٌ جدّا الغوص في عمق النصّ والتلذّذ بالتفكير حول هذه الأبيات لانكاد ننهي النصّ إلا ونجد مقاطع عالقة في بالنا لـ روحك كلّ الشكر |
الشاعر المبــدع زويد الرويلي كما انتــ / الإبداع مغروس بين اناملك صح الله لسانك حتى تعانق السحاب ومدائن ورد / ود لقلبك اختك غنج نجد |
اقتباس:
نوف عبدالعزيز شكرا"....لحضورك الأول الذي اضفى على المتصفح جمالا" وزاد على النور....نور. دمتي ودام حضورك. |
اقتباس:
عبدالعزيز رشيد. الشكر سيكون لقلبك.. شكرا" جزيلا" على حضورك المشرق. تقديري |
ماتت مشاعرنا قهر يامدرس
وماهمّنا لو مات جيل(ن) بعد جيل هم علمونا لازم انّا ندلّس عشان ننعم في سلام المهابيل همّ جماعي يازويد عسى الله يعين بس شكراً لما انتابك |
اقتباس:
غنج نجد صحة روحك ودمتي ودام حضورك النور |
| الساعة الآن 05:17 AM |
Powered by vBulletin® Copyright ©2000 - 2025, Jelsoft Enterprises Ltd.