كل عام والأحبّه
هنا وفي كل مكان .. بخير
وتقبل الله منّا ومنكم صالح الأعمال .




[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عيد الضحيّه وش جرا فيك ياعيد=فرقا وعينٍ تذرف الدمـع دافـي
مثل السنين الماضيه دون تجديـد=ياعيد أنـا والله مانـي متعافـي
ياليتني بأسمع من الزين تغريـد=أو ليتها تسمـع نـداي وهتافـي
قال إنت وشبك زايـدٍ بالتناهيـد=ياشيـخ روقنـا وخلـك سنافـي
تطير وتوقـع وتنقـص ولاتْزيـد=ياسِعد منهـو جاهـلٍ بالقوافـي
ماهوب مثلك كاتبٍ بـي أناشيـد=وتسبّنـي وتقـول ياعيـد كافـي ..!!
عيّد مثل ماعيّـدوا زيـد وعبيـد=روحه وجيّه في جميـع الفيافـي
خلك بدون إحساس مثل الجلاميـد=وش لك بحبٍ صايبـك بإختلافـي !!
قلت البلا ياعيد ذيـك المواعيـد=إسمع وأنا بأقول كـل إعترافـي [/POEM]

/

\

:

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قالوا يجون وأكدوا الوعـد تأكيـد=وصرت أنتظرهم عند ذيك المرافي
عقدت نفسي بالهوى كـل تعقيـد=لاماطرالي نـور عينـي يجافـي
إرهاب حبي للوفـا فيـه تشديـد=للـي مزينهـا جميـل العفافـي
أجمل سنين العمر والإيـد بالإيـد=وبغيابها تلفي السنيـن العجافـي
في هرجها تسمع مع الهرج تجويد=والصوت من كل التشاويش صافي
عنود صيدٍ تذبحـك دون تسديـد=تروي عروقٍ صيّبـت بالجفافـي
في خصرها تشبه صغر فتحة القيـد=وإن روّحت إعرف ترا الخير وافي
ياعيد أنا ماريـد ماريـد ماريـد=إلا الذي من فوق متنـه رهافـي
هي خابرتني بالتهاويـل صنديـد=ولأجلها بأمشي على الجمر حافي
لو حبها سجنٍ أنـا آبيـه تأبيـد=ونصير أنا والزين حزب إئتلافـي
أحبها ياعيد لـو عشـت تنكيـد=وإن خالفت وعدي ولابه خلافـي [/POEM]



وسلامة قلوبكم