اخر عــلاقه ... وبداية علاااقه هــنا
 

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]يا راجعه ماعاد لي فيـك قـدره "=" والقلب دايم له على الصبر طاقه
واللي جنى من وادي الضيم سدره "=" ماله جمل لو كان له الـف ناقـه
كم واحد ٍغلق من الهـم صـدره "=" يوم أن ماله في زمانـه رفاقـه
وهذا القصيد اللي تخيرت نـدّره "=" ماهمني من خاض بحره وراقـه
دامي بنيته ساس معروف قـدره "=" عندي وانا سلطان جذعه وساقـه
والطعنه اللي با لقفا جات غـدره "=" ياليتها جتني علـى شكـل باقـه
كان استوت مع طعنة القلب هدره "=" ولاآعيش عمري بين جد وحماقه
هذي سنه والليل مـا لاح بـدره "=" وعيون خلق الله تحـب الطفاقـه
ادري بيوتك قشّـر ووجيـه ودّره "=" لو اكتبك ماعت حروف البطاقـه
ويابو عيونٍ ناعسـات ٍ وخـدره "=" ملعون قلب ٍ ما يحسّـب إفراقـه
خلاص مال السور وأنهد جـدره "=" العام رحت وكنت آآآخر علااقـه [/POEM]


ودمــــــــــــتم

هلا وغلا بك اخوي سلطان
نتشرف بتواجدك وقبول الدعوة

قصيدة رائعه من شاعر رائع واكثر
بها جذب وامتاع وابهار
ومعاني رائعه وعميقه

ابدعت وامتعت

دمت متألقا للشعر

سلطان الأسيمر / هلا وغلا فيك

ومساحه من الشعر هنا

ونص يجبرنا أن نرتقب هذا الاسم

سعدنا بهكذا حضور يا سلطان

هذه المصافحة تنبيء عما هو اروع
لا زالت دواليب هذا الشاعر تختزنه

شكرا لك بحجم الغيم

أهلاً و سهلاً بك ياسلطان
قصيدة لا يكتبها إلاّ شاعر متمكّن كل التمكّن .
سواءٌ من حيث التسلسل أو من حيث الحبكة ..
شكراً لك .