........... ــــــــ الأرض ـــــــــ ...........
 

[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]بسمتْك شمس وغشت بسمتْك بعض الغيوم=وصيّرت عيني رياح وعنّك آزحتها

وركزت فيك ولقيت آثار مسح الكموم=وحلّفت رمشك دموعك ليه مرجحتها

قال: ان عينك تفرّغ حزن قلب مْهموم=إتّخذت احزانه ضلوعك لأجل نحتها

أقول ..قم والعن الشيطان جعلك تدوم=أحزنْت الأحباب والأنذال فرّحتها

حتى الغبي عايش الاوضاع..وانت مْحشوم=دنياك من عينك المفروض طيّحتها

من صار الابداع ينصف بعد حب الخشوم=اغسل يدك من يدين بصدق صافحتها

خلك معي واسمع علومي وكبّ العلوم=اللي رفضت اتجاهلها ولا اصلحتها

أبك انت في كوم والعالم بأسره بكوم=الفلسفة فالشعر لولاك ما اجتحتها

كن قبْلك الجفن فوق العين بيت مْهدوم=ومن جيت كنّك بأصابع يدْك فتّحتها

كسبت اجر في هيام قلوب ناسٍ تحوم=حولي ومن كثرة التفكير ريّحتها

مشاعري بك تمسّيني قبل لا تقوم=وانا من اقعد على طاريك صبّحتها

كنّ القصايد تصير بويت ماله لزوم=لا صارت فـ غيرك ولو ايش نقّحتها

ايه ابتسم وارجِع لـ ليلي بريق النجوم=شف كيف الاخطاء من بسمتْك صحّحتها

فنجالٍ ارشف غلاتك منْه في كل يوم=من دلةٍ فوق جمر الحبّ فوّحتها

الله لايحرمني منْه ابد.. وعلى العموم=إسمع خلاصة كثير امور وضّحتها

ما دامت الأرض تحتي لا تشيل الهموم=تدري متى تشيلها؟ لا صرت انا تحتها[/POEM]

الله الله ياثاني
لا غرابه ان تبدع وتمتع
قصيدة رائعه من شاعر رائع

صح نبضك

هذا الشعر



مدروس بعنايه

إتضحت الصوره بعمق ثاني وفلسفته

البيت الأخير

قفلة مجنونه


سلم على قلبك

لا غرابة بإن نصافح مثل هذا الشِعر / السحر



لأننا تعودنا من ثاني بإن يكون الأول دائما في رمي الدهشة في اعيننا



على حد الجنون هذا الشعر


القفلة معلقة من معلقات زهير بن ابي سُلمى



سلمت لنا وللشعر يا ثاني

فصيده رائعه

صح لسانك ولا هنت

دمت مبدعا