منتديات أبعاد أدبية - إلى : الـ قسيس : غيث الحربي

له ُ :
قيّل جروحك وفل " إنسى " على فيه
.. ظلل عذوقك كفوف الشمس ماتاوي

ولايجرحك صوت حلم ٍ تمتم بــ نيه :
.. ( يمكن يجي عمرك المطحون أو ناوي ! )

قالوا عربك : العرب مرضـ ..اتها هيـه
.. يعني : تفتـق تفتـق مـالك مـداوي

هو قال أخــر علاجك عندنـا : كيه
.. وتكسـرت بـي ثنايا " أح " ياكـاوي

[ البارحه ] : من قريتك ضايقه : بيّه
.. ياغيث : ضلع السّهر صحّيت به [ عاوي ] !

بعثرت عمر ٍ شروقه صار : غربيّه
.. أغيب عن واقعي : وأرجع وأنا ضاوي

أحْسِبْ خُطى الليل والنجمات مطويّه
.. مثل الحكايات لا غابت عن الراوي

الحزن [ حيّه ] : تعال نشوف هـ الحيّه :
.. ما في فمي [ ناي ] : لكنّي أنا الحاوي !