احي حياة الذيب
 

شف طاحت عيونى ولاقلت ماشـوف
شفنى بعد ماقلـت طاحـت عيونـى
.
.
شف قطعوا قلبى بجفاهم يابو نـوف
وشفنى اتجمـع عندهـم لاقطعونـى
.
.
هم يدفنونى بالثرى عقـب معـروف
وانا اتفرعن فـى ثراهـم غصونـى
.
.
ماهى شجاعه يارفيقى مـن الخـوف
خايف لا حسوا بخاطرى يكسرونـى
.
.
طايح لو انك شفت رجلينـى وقـوف
ماهو ظفر خايف لا طيـح ويجونـى
.
.
ناس تحـرا زلـة العمـر بسيـوف
ياهم على اتفه مـا تصـور يبونـى
.
.
ان جيتهم كن المحبـه مـن الجـوف
وان رحت شبوا نارهـم وضرمونـى
.
.
ياكثر ماطوف من القلـب وتطـوف
وياما انذبحـت بطيبتـى ويحيونـى
.
.
من كثر ماعانيت بمصافـح كفـوف
اصبحت اعد اصابعى ان خامسونـى
.
.
ومن كثر ما مرت على قلبى حتـوف
مرات احس عايش حياتـى بدونـى
.
.
دام انت (طيب) تعنى ان انت (خروف)
بحي حياة الــذيب والا كـــلونى

مجبل !

هاذي درة يا مجبل وليست بقصيدة من القصائد التي نصافحها بين الحين ولأخر او من مانكتب

أنت بهذه الدرة كأنك تُعري شاعريتنا الهزيلة أمام درتك


لك الشِعر والشِعر لك

والك المجد على سفوح الشِعر يامن تستحق لقب الشِعر بكل ما تعنيه هذه الكلمة




تلميذك

محمد

الله عليك


قصيده ولا احلا


صح لسانك ونبضات قلبك المرهفه


الى القمم دوماا

سلطان ربيع


مرورك يزرع الجمال
الف شكر لك
وكل عام وانت بخير

العزيز / محمد السالم

شرفنى حضورك
وغمرنى فيض كرمك
اتمنى ان استحق بعض ماكتبت عنى
الف شكر لك
ودمت بخير

الاخ / قايد الحربى

لاتأتى الا برفقة الجمال
حضورك شرف وحروفك
اوسمة نور خالده

الف شكر لك