[ نــار الجفـا ]
 

السلام عليكم جميعاً

حين أتذكر حال قلمي في السابق أشفق عليه ولا أجد مايصف حرقته , فوكلت امره لمفردتي ووعدتني بالإجتهاد , وهاهي تفي بوعدها على الرغم من النار المحرقة في إجتهادها.....


(((((((((((نــــــــــار الجفـا ))))))))))

[poem="font="simplified arabic,5,blue,bold,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]



نار الجفا ياساقية لو تعـرف إشمعنـى رمـاد=ما كان ضحَّت بالغلا و إستوطن الساقـي جفـا
والديم لو يفهم شعور الأرض في وقت الحصـاد=كان إنحنى يطلب عفو زرعٍ .. وجـوده إنطفـا
يا ساقية: عمر الغلا ماطـاع شـور الإنقيـاد=عمر القلوب العاشقة... ماتنبض إن غاب الدفا
أبسألـك: دام الغـلا يفـرض علينـا الإبتعـاد=ليه النوا لامن حكـى يطعـن غلانـا بالقفـا ؟
و أرواحنا وش ذنبها يم ساحة الضيقة تقـاد..!!=و وجيهنا وش درعها لو رملها الحارق سفـا ؟
مليت شرهات ٍ نمت. . فينـيٍ تبنَّاهـا إعتقـاد=إن الجفن ..لامن فلت دمعـه يعبِّـر عـن أفـا
مليت من طول السهر.. و صدور تتنفس سـواد=تتعب على رمي النكـد بصـدور تتنفـس وفـا
إليا متى نرقى ألم .... و ظهور كلمتنا جيـاد !=إليا متى ننزف عتب و الحب بـ/ اشواقه هفـا
إليا متى واهاتنا ترقـب حلولـك يـا الرقـاد !=إليا متى و جروحنا تسأل حنينـك يـا الشفـا !
كم لي و ألمَّك يا العنا..؟ ونارك تبعثرني سماد !=كم لي أصافح مارد ٍ من نـارك الخرسـا لفـا
جيتك و رهبة شارعك أشباحهـا تحمـل عتـاد=حتى رصيفك خطوتي يدفـن أثرهـا بالخفـا !
عزاه يا حب ٍ سكن روض و تمـرد بـه جـراد=عاث بقراح الساقية و أعـدم نخيلـه وإختفـا
وعزاه يا صدر أجودي أمسى ..ضلوعه في حداد=أعظم عذاب بدنيته فـي صـدره الليّـن غفـا
تناهبت ساقـه دروب ٍ أدمـت اطرافـه.. وزاد=همِّه .. و معْول ضيعته بضلوعه الصم إحتفـا
وقت ..و مصير الساقية تشكي عناها للسهـاد=تبكي على ماضي لها عن جورها صـد وعفـا
مصيرها تنادي غلا روحه قتلهـا .. الإظطهـاد=و تسمع صدى من شرهته يرتد... ياصوته كفا
يعني زلال الساقية.. لو حـس بذنوبـه وعـاد=يبقى على طين الظما ..عكْر ٍ زلاله لـو صفـا
نار الجفا ياساقية لو تعرف شمعنى ... رمـاد=ماكان ضحّت بالغلا.. وإستوطن الساقـي جفـا [/poem]

:

:


الدهمشي
كتبت بحرقة فأتت الحروف بردا وسلاما
تحياتي لك

:

:

كذلك حضورك بردا وسلاما ياعبدالله


تحياتي لك

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
عـزاه يانخل(ن) سكن روض(ن) تمرد به جراد=عـاث بقـراح السـاقـية وأعـدم نخيله وإختفــا
مسكيـن جـذعـك يا النخل كـائن يسمونه جماد=تجاهلوا إن النخل عيسى تحت ظلـّه غـفـا[/POEM]
/
\
تصوير رائعة ، ادهشني تنظيم المفرده فيه ، نص راقي في هموم تلك الساقية



الدهمشي ناصر....

لافض فوك / وطاب حرفك..

ناصر حطاب العنزي
رائعه تستحق الاشاده
احترامي

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]إليـا متى نـرقى ألـم وظهـور كلمتـنا جيــاد=إليــا متـى ننـزف عتـب والحـب بــ شواقه هـفـا
إليـا متـى واهــااااتنـا تـرقب حلـولـك يـا الـرقـاد=إليــا متـى وجروحنـا تسـأل حنـيـنك يـا الشفـا
[/POEM]