ياجماعة
 

ارتجالية وبلحظة هم!!

اترككم معها علها تجد صدى بينكم،،

واهديها لكم جميعاً بلا إستثناء

وتحملوني لأني كثرتها عليكم شــــــوي!!!




[POEM="font="Simplified Arabic,4,red,normal,normal" bkcolor="sienna" bkimage="./images/backgrounds/20.gif" border="ridge,4,white" type=1 line=0 align=center use=sp num="0,black""]يا "جماعة" الهم مستوطـن حشايـا=همي اللي إجتاحني ماله ضميـر!
لاارتويت وقلـت ياهمـي كفايـا=ابتسم لي وقال..لك عندي غديـر.
ماكفـاه القلـب متوسـد شقـايـا=مرتمي مابيـن نيـران وسعيـر.
شنهو ذنبي شنهو ياربـي خطايـا=صرت انا للهم واللوعـة اسيـر.
ليش انا تنسـوى فينـي هالسوايـا=ليش انا اصبحت مجهول المصير.
مانفعني الورد واصنـاف الهدايـا=وصرت انا بعيون عذالي صغيـر.
ان ضحكت الكل يحسدنـي هنايـا=وعندهم لامن بكيت الدمع غيـر!!
يازمـان الويـل قلـي وش بلايـا=مايجود الوقت لأوجاعـي بخيـر.
ان سلمت من القدر جتني شظايـا=تدمي الوجدان بإيديـن العشيـر!!
((عيب وقتي مايشوف إلا الزوايـا=وعيبي إني في نظر وقتي ضرير))
السـواد اللـي اكتسانـي بالبدايـا=ماهقيت انه يبي يكـون الأخيـر.
صرت أنا بأسباب لوعاتي "بقايـا"=الفقير ابن الفقير ابـن الفقيـر...
المصيبة منـي وفينـي الضحايـا=والضحية بيننا طفـل(ن) غريـر!!
منهو يرحمني من همومي وعنايـا=منهو اللي فيه من وقتي استجيـر؟
لاجزمت وقلت أنا هـذي النهايـا=أذكر الله وأطلبه ثـم أستخيـر..!!
الله اعلـم بالضمايـر والنـوايـا=ربنا اللـي عالـم باللـي يصيـر.
أسـأل المولـى يعجـل بالمنايـا=يمكن إني أرتاح من همي الكبير؟؟ [/POEM]

سيدة الغياب

صح إلسانك

وبيض الله وجهك على ردك الكريم

اللي فيه رفعتي معنوياتي

ودمتي سالمة

نـــــــجــــــــــد

العذوبة بردك الكريم والأخوي

والله يسعدك ويبعدك عن الهم


ودمتي سالمة

سلطان المضعان

رغم الهم والحزن الذي تحتويه قصيدتك إلا ان الابداع كان متميز في ابياتها وحبكها وروعة صورها

صرت أنا بأسباب لوعاتي "بقايا"
الفقير ابن الفقير ابن الفقير...

المصيبة مني وفيني الضحايا
والضحية بيننا طفل(ن) غرير!!


صح لسانك مليون والله يبعد عنك الهم والغم

ويسعدك ربي يا الغالي


لك الود والتحية

ماكفـاه القلـب متوسـد شقـايـا
_______________مرتمي مابيـن نيـران وسعيـر.

ووصف جميل لأجواء الصدور المليئة بالهموم


ان سلمت من القدر جتني شظايـا
______________تدمي الوجدان بإيديـن العشيـر!!

ووصفٌ اجمل واجمل لتردّي الحال أكثر وأكثر


صرت أنا بأسباب لوعاتي "بقايـا"
_____________الفقير ابن الفقير ابـن الفقيـر...

وصرخة حرف .. وصرخة همّ هناء جلاء كلّ مشكّكٍ بعواطف هذا النصّ بالقوّه


اخي
سلطان
ومثل هذه النصوص الكريمة الفيّاضة بالاحساس
ترغمنا على التعبير بحروفنا أكثر وأكثر
وقمّة ألمٍ تعانق غيوم الابداع
تحيّاتي