... اصول التكانه ...
 

[POEM="font="Simplified Arabic,5,black,bold,normal" bkcolor="white" bkimage="" border="ridge,4,darkred" type=1 line=0 align=center use=sp num="0,black""].................. اصول التكانه=.........................
عاد أنت لاتاخذ كلامي على جد=شفتك خثرت وقلت أصب الميانه
ولو أدري أنك يوم امازح تبي تصدّ=علمتك شلون ..... الثقل والتكانه
مااكبر من انفاس الخطا لا حلا رد=إلا الثقيل ليا كتب عنفوانه
ماقلت لك ياصاحبي .. للصبر حد=وما قلت لك ياصاح ..... إلا الخيانه
وما قلت لك لاتبّيح بخافقي سد=ولا ترخي لمهر الخطايا عنانه
ولاتقطع بسيف الخطا شعرة الود=ولاتعبث بوجه الزمان ومكانه
ولا تستفزالموج بالجزر والمد=لاصرت تدري عن دهاليز شانه
هاذي جروحك عدّها لو تبي عد=وانت اتعرف كيف الخفوق وحنانه
مرات اقول انك على الجرح منحدّ=ومرات اقول اكثر جروحك لعانه
ومرات اشوفك غير.. لا مع .. لا ضد=مسكين لاخر مفردات السكانه
ومابين ذي وذيك والجذب والشد=جيتك وفي قلبي لقلبك أمانه
أبيك تاخذها على محمل الجد=وإن قلت إهانة فاعتبرها إهانه
ياصاح أنت اسخف من إنك تجي ند=لنّك كذا.... لامستوى ولا مكانه
فخفف لظى شوفك إذا صاحبك لد=ولملم بقايا تيه ولّى زمانه
وخلك على مفرق خطا الامس والغد=مابين خفاقك ورعشة هوانه
وإليا بغيت اتصد ياصاحبي صد=مادام علّمتك ..أصول التكانه ..!
.......... عوده نزال=.........[/POEM]

:

" عاد أنت " ،
استهلالٌ أكثر من رائِعْ وَ كأنّ الشّاعر يقول :
بأنّ هُناك الكثير مما قِيل في هذه القصيدة ..
وَ هُناك الكثير مما لم يُقال / أيضاً ..
بساطة هذا القصيدة لا يُمكن إغفالُهَا ..
وهي بساطةٌ لا عِلاقة لَهَا بالسطحيّة أبداً ..
لذلك ستستمتع جميع الأذواق / إن مَرّت هُنَا.
_ شُكراً كثيراً يا عودة _