الموج عالي وأنا (ضيعت مجدافي)
ما عاد يمدي أعـدّل وجهتي وأسْلَم

ما عـاد يمدي احقق ابسط اهدافي
ما عاد يمدي اعيش الواقع وْ أحْلَم

قررت أسلّم لـ واقع (ظـاهـره) دافي
واعْـمـق تفاصيله أبرد منّي وْ أظْـلَم

روحي سقيمه ,, وقلبي متعب وحافي
رثّ المشاعر عديم العاطفه وأصْلَم

شوّهت قلبي بحزني وْ قـلّة إنْـصافي
حتّى غدى من سـواد اليآس بهْ أدْلَم

(كـلّـي) تغيّر ,, م عـاد يوافق اعْرافي
وآْخـاف (أنسـى تفاصيله) و أتأقْـلَم

راسي ثقيل وْشكت من حمله اكتافي
,,, والله وحده خبير بْحالــي وْ أعْلَم

الموج عالي؟!خلاص ألقيت مجدافي
مابي أقاوم ,, كفايه ,, بس أبي أسْلَم

وشكراً لمرورك المختلف ,, سررت به
تقبل مني اطيب التحايا