النيل في مصر
 

يحتاج وصلك يالحبيب استدامه
مثل استدامة وادي النيل في مصر
ماهو مثل سيلٍ تسوقه غمامه
مدة جرايانه من الصبح للعصر
ابغاك ذاك اللي رشاقة قوامه
تعطيك نبذه عن حلاالردف والخصر
وابغاك متغطرس وكلك زعامه
مثل الهلال اللي قهر نادي النصر
وابغاك تحفه نادره في الوسامه
تشبه ديانا في الدلع داخل القصر
وابغاك لا نحّيف ولا بك ضخامه
لا طول فارع لا ولا حافك القصر
وابغاك نسل اللي رفيعٍ مقامه
بين الشهامه والكرم منحصر حصر