|
نَسَكَ ..!
بداء هذا المساء اللي بدون ايعاز يغازل كل قمريه و عصفوره تأملته و في بالي كثير الغاز وفي صدري كثير اسرار مقبوره عيون الناس فالصورة و فالبرواز و عيني خارج البرواز و الصورة / / الوقت نفسه ما تغير و البشر نفس البشر للحين و خبوت الجزيرة ما نبت فيها مروج..! باقي الين اليوم ما سولف جماد و لا حجر لا تنخدع طالبك بأصحاب السوالف والهروج ..! تعال سمّعني الكلام الذرب و حروف الشعر المفردة زوجه مطيعه ما تدور غير زوج ..! وين الكلام اللي يخلدني على طول الدهر والحق واضح قبل أقوله ما يغيض إلا العلوج ..! أنت البسيط اللي يخاف الله و يخشى من سقر و أنت الحكيم اللي بعد طيشه يدور للنضوج..! أتباعك الغاوين يا مهدي القصيد المنتظر ظلوا طريق أهل الهدايه و استعدوا للخروج..! غيبتك عنهم طولت و الناس ملت تنتظر تعال رد اللي تركته للدفاتر و الدروج ..! خابرك ما تقدر تنام الليل و تحب السهر سولف لحد الصبح يمكن يفتح الله لك فجوج..! من نجمك الثاقب تغار الشمس و يغار القمر والناس تتحرى ظهورك فالسماء ذات البروج..! يهمك اللي يحترم حرفك و ذوقه معتبر يستاهل افكارك تروضها على متن السروج..! عد القصايد عند من يؤمن بها واللي كفر اهمل وجوده واتركه خله مع نفسه يدوج ..! تحياتي .. |
: جميلٌ جدًّا هذا البوح. مدخلاً ومخرجًا / كان الحرف مختلفًا ومؤتلفًا في آنٍ واحد. _ شكرًا محمد _ 🌹 |
’ الوقت نفسه ما تغير و البشر نفس البشر للحين و خبوت الجزيرة ما نبت فيها مروج..! ^ الله عليك .. : أنت البسيط اللي يخاف الله و يخشى من سقر و أنت الحكيم اللي بعد طيشه يدور للنضوج..! أتباعك الغاوين يا مهدي القصيد المنتظر ظلوا طريق أهل الهدايه و استعدوا للخروج..! ^ وقفه .. وتأمل .. وتخليد ..! : يهمك اللي يحترم حرفك و ذوقه معتبر يستاهل افكارك تروضها على متن السروج..! عد القصايد عند من يؤمن بها واللي كفر اهمل وجوده واتركه خله مع نفسه يدوج ..! ^ و ختامها مسك ..! : امامي هنُا نص فخم لا يُمل من قراءته.. فيه من الحبك والسبك والجزالة مالا يستطيع شاعر او ناقد ان يصف جماله طبت .. وطاب حرفك النادر ../ :icon20: |
للتميز عنوان |
وللشعر عنوان
استحضار لفطاحلة الشعراء تحيتي |
يا محمد
أنضجت الحروف .. حتى احترقنا شبعاً نص فاخر .. وكاتبه |
اقتباس:
فبكل تأكيد ستقرء شعر مدهش فيه من الجمال مالا يحصى ومن الجماليات ما لايعد الصمت هنا خير من الكلام أمام هذا البوح الفاخر يامحمد |
اقتباس:
شكرا لكرمك |
| الساعة الآن 05:35 AM |
Powered by vBulletin® Copyright ©2000 - 2025, Jelsoft Enterprises Ltd.