حــطــب
 

[POEM="font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]لاتهزين جذع القلب خايف يطيح =وأنكشف لك بقايا جذع خاوي رطب



أتركي كبريائي كل ما هب ريـح =يفتخر في وقوف الجذع رغم النصب



كان يعني يدوّر فالقلوب الصحيح =لين راحت ظلوعه من زمانه حطـب



كان يعني يداوي كل قلبٍ جريح =شوفي شلون بيدين أخويـاه أنّكـب



كم تحمّل وجامل كل عذرٍ قبيـح =عذره أن معدنه في هالزمان الذهـب



ما ألتفت يوم روّح للعواء والنبيح =شام عن كل كلب وكل واحد هرب



شاف مستقبله قدّام عينـه ذبيـح =أنتخى بس ماحول المصـوّت عـرب



للأسف هالزمن مغلول يد وشحيح =ينكب أهل النعم ويعزّ من هو عقـب



بس تدرين كون الله لمثله فسيـح =في زوايا الغياب يهون بعـض التعـب



صدقيني كذا في عالمـه مستريـح =مبعدٍ عن غثى الدنيا بـراس المهـب



أخر دواه كان أنّه يحفر الضريـح =أذكره يدفن أحلامه بكـف العتـب



وأذكر الصمت لحظتها وقلبه يصيح =ودمعةٍ خانت عيونه وطاحت غضـب



شفتي شلون ذكرى مرته تستبيـح =بعض حزنه ويبقى واقفٍ ما حسـب



طاح مرّه ولا يمكن بعدها يطيـح =لأن ماعاد باقي في غصونـه رطـب [/POEM]

طاح مرّه ولا يمكـن بعدهـا يطيـح
لأن ماعاد باقي في غصونـه رطـب

شعر كالضوء لايخفى على احدد

احترامي

جود

نواف التركي


ملئت الذائقه لهذا اليوم وارتوينا

من هذا التعب .. والغضب .. والالم الذي تحس به




كان يعني يدوّر فالقلـوب الصحيـح
لين راحت ظلوعه من زمانه حطـب

كان يعني يداوي كل قلـبٍ جريـح
شوفي شلون بيدين أخويـاه أنّكـب

كم تحمّل وجامل كل عـذرٍ قبيـح
عذره أن معدنه في هالزمـان الذهـب



دمتا وشما على جبين الابداااااااااااع



تحياتي



فواز الزناتي ....................,,

نواف التركي

صح لسانك على هذاالابداع
متميز دائما