نهر الكلام
 

السلام عليكم
مشاركة بسيطة ارجو ان تروق لكم.



يا غزال العدامه .. لاعدمتك غرام
لامتى تشح بالمسك وتمد الهجر

لا تكاثر غرامي لاوصل للهيام
انت وجهة عيوني مانت وجهة نظر

ولا تحسب عيونك ماتمد السهام
وانت رمشك طويل وفي عيونك حور

ان تجهمت راع الليل جفن المنام
وان تبسمت راب الديدحان وخدر

ياحبيبي ويوم الشوق عن الف عام
عاد شف كم عام ٍ فات موت ٍ حمر

واقفين ٍ على جالين نهر الكلام
لا نقفي ولا حنا قطعنا النهر

والله انك حبيبي لو يشح الغمام
ولو تموت الورود ويقتفيهاالزهر

وشاعرك حر ماهو من طيور الرخام
ماكره فالسما لو طال فيه الصبر

والسلام عليه يوم اجيك بسلام
ويوم انااموت فيك ويوم نبعث هجر

قصيده تجبرك على استراق السمع ولن ترحمك شهبها


خالد الطويفري

تقول يوم تجيه بسلام ويوم تموت فيه ويوم تبعث هجر

كيف للجرم في ابداعك ان يبلغ هذا الحد

دام هذا الجمال لأبعاد

ياهلا وغلا بالكريم سعيد موسى
جزيل الشكر ياصديقي ..

صدقني ياسليمان اني لا أعلم
لكن الذي اعلمه جيداً انني فزت بقراءة ذائقتك
ياخي شكرا جزيلا 🌹

ارتكاب الإختلاف يملأ الأحداق دهشة
وأنت مختلف

رهافةٌ تترى
لله أنت~