|
محاوره [ لمن يهوى فقط ]
سلام ردية ٍ : للي يبي يكتب يقرّبْ وأشوف ْ ــــــــــــــــ الدرب دربين : والـ لكزس جديد أبيضْ ولوحة دبي أنا من البارحه بين الثّمالهْ والخمر والحروف ــــــــــــــــ الحزنْ : طفل ٍ تمهّدْ بـ الضلوعْ [ وصار فيه يحبي ] ! |
: يَامَرْحَبَا فِيكْ والدّنْيَا يُقُولون العَرَبْ مَا تُرُوفْ ________ لِذَا نَبِي نْهَوّنْ الأحْزانْ وِ نْصَلّي صَلاَةْ النَّبِي . مَا دَامْ الأسْفِلْتْ أسْوَدْ لاَ وَرَبّي مَا أظنّكْ تُطُوفْ ________ الْفَقْر آبا أحوّلِهْ لـِ..فْيَاقِرَا جَاتَكْ مْن آبوْ ظَبِي . :) |
حييت : ياراعي البنزْ : إستريحْ شوي [ قهوة ضيوفْ ] ــــــــــــــ [ خبرك من العام فــ المورسيدس ] ، جاه اللي يهزْ الـ [ عِبي ] ماكنّهْ إلا ّ قصيدهْ قالها [ قايِدْ ] بــ صفْحَةْ قطوفْ ــــــــــــــ في شاشته [ بنت ٍ ] ، بـ حانة سكارى ، والـْـ...جسد لولبي :) |
: فِيكَ الْبَقَا مَار مَاتَدْرِي عَنْ الألْمَانِي [الْفَيْلَسُوفْ ] _______ جَاهْ الطَّلَبْ وأسْتَعَانْ أبلِيسْ .. و صَمَّمْهَا عَلَى مَا نَبِي ! مكينةٍ لا اكْفَخَتْ كَأنّهَا مَوّال يَبْدَا بـْ..أووووف ! _______ مَا لاَ عُيُونٌ رأتْ ، وإنْ جِيتْ أباأوْصِفْهَا فإنّي : غَبِي . بأروح أتعَشّى و يصير خَيرْ .. أنتْ و قَرَنبَعْك .. الله يكفيني شَرّك . :) |
ياعَمْ : من مصنعه مكتوب في جنبه [ حرامْ الوقوفْ ] ـــــــــ أطلق شنبْ في مرور أهل البلد : ماينشده [ وش تبي ] الأقربْ المُبتعد : الغائبْ الحاضرْ : [ يُروّضْ بـ خوفْ ] ــــــــ له ْ بالشّمال الـ جنوب [ أربع جهات ] ومشرقه مغربي الوعدْ بكره :) |
: أخْتَرْ لَنَا دَرْبٍ يْصُبّ السّلامَة فِي كُؤُوس الصُّدُوف _______ بْصَحّة الْهَيْجَنَة وَ المَيْجَنَة .. يَا سَلْطَنَتْنَا : أشْرَبِي . يَاكُثْرهْ المُهْمَلْ اللّي رَاصِفِينِهْ فَوْق غُبْر الرُّفوف _______ ويَاكُثْرهْ المُمْهَلْ اللّي صَارِفِينِهْ مِثْل " صَتْم حْلِبِي " _ بيتين وَ البَاقي بَعْد مَا أرجَعْ من البَرْ / بأرُوح أصِير بَدْو .. للمَغْرِب _ :) |
من 15 سنه يوم كان أستاذي / خالد صالح الحربي ، يحبني :( |
: ياحبيبي أنت .. وأستاذي أيضًا ؛ أقسم بالله أني تفاجأت بما قرأت .. فقد سقطت هذه السلطنة من الذاكرة ؛ والآن أنت .. تُعيد ذاكرتي إلي. 🌹 |
| الساعة الآن 10:25 PM |
Powered by vBulletin® Copyright ©2000 - 2025, Jelsoft Enterprises Ltd.