|
واحد من العابرين ..!
»» تعال الحق على عمرك و إذا ما جيت بتخسر قلب من حبك و حبيته ..! يشتتني برودك و اكره التشتيت وكم موعد وصلني منك ما جيته ..! أنا من عادتي اوصل على التوقيت غريبه موعدك عدى و لا جيته ..! من أول العمر لين اخر فصول الغرام امشي معك يا حبيبي بس ما ادري ل وين ؟ والعمر ما زاد ينقص عام من بعد عام كم راح مني سنين و كم بقى لي سنين ..! يمرني العمر ب/ أسبابك ( مرور الكرام ) ما انجزت في عمري اللي راح غير الحنين ..! ما أدري حبيبك أنا ؟ و الا مجرد كلام و ممكن بعينك أنا " واحد من العابرين" ..! هذا و أنا اللي عشانك كم عشقت الظلام و كم عشانك سهرت الليل وحدي حزين ..! لو ادري انه غضب و الا جزء و انتقام دعيت ربي و ربي ارحم الراحمين ..! فيني من الحزن و الشرهه و كثر الملام ما يكفي أمة محمد و البشر أجمعين ..! أنا يباسي يشوفك في عيونه غمام معقوله ،، أموت و انتي بالمطر تبخلين ..! وشلون و أنا عشقتك لين حد الهيام و لا تمنيتك إلا أم لاغلى بنين ..! كل الاماني إذا غبتي عليها السلام قدام لا ارحل ، تعالي ، قبل لا ترحلين ..! على شعور النهايه راح صدري حطام و لابقى من ظنوني غير حسن اليقين ..! يكفي تغلي ترى بعض التغلي حرام عمري معك راح لكن راح مادري ل/ وين ..! محمد بن شتير |
- الله الله صح الله لسانك يا أبو فيصل مدخل ونص مشبعين بالأحساس والجمال وماهي غريبه عليك لاتبخل علينا بجديدك :34: شعور |
مابين العتاب والحنين
كان هطول الشعر فراتاََ يروي الذائقة ويستنبت اخضرار اللغة دمت مطرا شاعرنا المبدع \ محمد بن شتير مودتي والياسمين \..:34: |
عتاب يمتزج به الحنين،وشموخ يخفيه الونين..كان الله في عون الشعور..سلم اليراع
|
الإلهام الصادر من القلب يصل إلى قبائل من يعشقون الشعر الجميل سلمت يداك شاعرنا الفاضل ودامت محبرتكم عامرة بالإبداع ، |
- فيني من الحزن و الشرهه و كثر الملام ما يكفي أمة محمد و البشر أجمعين ..! رجعتني كمية الخيبة والأحباط اللي غلفت هالبيت ، صدق الشعور واضح ! جات قصيدتك مثل دهن العود يزين كل ما تعتق اكثر .. وهالقصيده مو لقراءة وحده وبس .. شكراً لك عليها :34: |
اقتباس:
ممتن لكرم تواجدك |
اقتباس:
الله يامحمد لغه مدهشه |
| الساعة الآن 07:25 AM |
Powered by vBulletin® Copyright ©2000 - 2025, Jelsoft Enterprises Ltd.