غير كان والوصل من يمك عقيم = الله الله لو تعرض بالسلام
 

عوده من جديد لقلوبكم

[POEM="font="Simplified Arabic,5,sandybrown,bold,normal" bkcolor="black" bkimage="" border="groove,4,sandybrown" type=1 line=0 align=center use=ex num="0,black""]يارموز الشعر والمعنى الحكيم = ياهجوسي حضَري لي ألهمام
ويابراكين القوافي من صميم = اقربي لي وإضربي لناصر سلام
وياصمود الحرف والمعنى البهيم = فيك شامخ هاجسي ذالليل حام
لا أرتكيت الحمل ماهم الصتيم= والجواب إخذه بكل الإحترام
ياشموس الزين يالحسن العديم =ياهلابك مرحبابك بإنتظام
قبل لانبدى العتب بالقاف ميم=وقبل لانبدى القوافي والكلام
كيف حالك ياعسى راسك سليم=بشر المشتاق يفطر من صيام
عد ماغنوا مع عبد الحليم =أغنية (سواح) اشوفك بالمنام
يالمرام اللي فلا أصبح كريم =يالمرافق في المسمى بالغرام
ياوصل من يمنا اصبح عقيم= ياهواجس شاعر رام الزحام
اشهد انك يوم غبت اصبح جحيم= كن ربع الثانيه عندي بعام
ودام ربي قال فـ المصحف نهيم= إخذها مني وتحزم للهيام
يامرامي دوم يالترف الحشيم= يامناتي من قبل سن الفطام
يافهيم الحال ناحل يافهيم= لعنبو وجعة حبيب ٍ منك شام
ياوجودي وجد من حده غريم = يم شوك الوقت لين اصبح عدام
إتهم بالظلم محدن به عليم = من غريمه و ابن عمه بالتمام
وجد شيخ ٍ صار من وقته سقيم=عقب عزه ابتلاه الوقت ظام
انقلب عيشه من العيش النعيم= لابغى يشكي تصيبه كالسهام
ردته عزته والوقت الخصيم = من رداته عوَده شذب السنام
آتوجد والحشى اصبح هشيم = يوم جرحه مالفاه الإلتآآم
جل منهو حط موسى له كليم=لا إله إلى هو رب الأنام
خالق ٍ ذالكون كله والعظيم = يحفظه واعداد ماناح الحمام
عدمنهو راز زم زم والحطيم = الله يسمح دروبه والختام
لو يقال انسى وقلبي له يحيم = وين ابلقى قلب ينسى يا فهام
مثل يوم ٍ قيل انفخ ياشريم = قال مابه برطمن والوضع نام
غير كان والوصل من يمك عقيم = (الله الله لو تعرض بالسلام)[/POEM]

اخوكم ناصر آل شهوان الهاجري

ناصر آل شهوان
وجدتها مبعثرة ومحتفظة بجمالها
وهاهي بـ كامل حُلتها
تستحق الشكر

ناصر الهاجري

رائع هذا الشعور
صح لسانك
كن بخير

هلابك زود يا عبدالله



ومرحبابك اخوي




وأنا ساعد بتواجدي بينكم احبتي



وحياك الله وابقاك

ناصر آل شهوان الهاجري
أهلاً وسهلاً بك ..
أستمتعت هنا كثيراً
فلم أجد رداً يليق ..
بروح قلمك الطاهر

.. ..

اخوي الغالي


سلطان ربيع


الله لايهينك على مرورك الجميل


وتحيه لك لاعدمتك