صايره معجزةَ هذا العصر !! ((مصافحه اولى))
 

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]القلم يرتقص فوق السطر = يرقص وترتقص معه السطور
مرقص ٍ كل كبير وكل صغير = ومستوي الليل عنده والنهار
محَي ٍ ارواحها بنت الفكر = والقوافي متفننها الشعور
قايد الزين سلطان ٍ امير = لديرة المسك نسناسه شعار
باهي الخد براق النحر = كامل الوصف يالحن الطيور
نظرتك تجبر العظم الكسير = وبسمتك ضو ٍ بوسط الوجار
تبرق وترعد بلمح البصر = يوم عيني تناظربك سفور
النجم من بهى حسنك يطير = وين مارحت وياك استدار
ورد لامنت وردَ إلا زهر = مزهرية ٍ تباهاها الزهور
في جسدك الحلا سيف ٍ شطير = وصعب يوَصفك معنى بختصار
صاير ٍ معجزة َ هذا العصر = ماخلق مثلك بكل العصور
النظر يوم يناظربك خطير = ومن سبايبك يعلن لنفجار
مايتصوَرك فكَر ولانظر = في توَصفك كل معنى معثور
واهني منتَ مللك ٍ له تصير = في يمينك واذا ابعد يسار
مايشابهك بدر ولاقمر = احترت اوَصفك يابدر البدور
لابدا لابدا مالك خشير = وللحلا صكوك عندك واحتكار
عاجز ٍ لايتوَصفك الشعر = والمعاني براكين ٍ تثور
في توَصفك كل مذهل مثير = ويوم اوَصفك ترتج الديار
انت نبت الحلا وانت الثمر = ماتشبه في ريم ولا في حور
كم شهيد ٍ سبايبك واسير = ومن سبايبك طار العقل طار[/POEM]

ناصر القريشي
نص رائع
صح قلبك
كن بخير