&& ألــعـــن خـــــــيّره &&
 

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مرات .. أحس إني بعيد .. وماني بحول الشعر =ومرات .. من كثر إندفاعي فيه .. ألعن خيّره
واليوم يا شعري تعال .. وقرّب .. وخلك حذر =أما آتوثّم .. حرفك المقرود .. ولا آطيّره
كم لي .. وأنا أتحرى وصولك .. وإمتلا صدري قهر=ما كنّي إلا من .. غدى طيره .. وضاع بعيّره
ودام القصايد .. تنتمي لألسن أُناس .. من البشر=ليه القصايد .. بعضها يُفهم .. وبعض محيّره ؟‍
أنا أحب إني أوضّح .. كل بيت .. وكل شطر =عشان من يسمع .. قصيدي .. ما يقول مشيّره
لن القصيد .. إليا طمن عن غايته .. قلت : ( إنثبر )=لازم يجب اللي .. يجملني .. ولاني مخيّره
ومدامني باني .. لشعري .. في معاليقي قصر=إليا ورد عقلي .. على قلبي .. حشى ما آذيّره
ويا حظي اللي كبّر .. وسادَتْه .. بالنوم وشخر = ما يصحي إلا لا لفت .. بنت الخفوق .. مسيّره
اللي ليا غابت .. تجيني .. شايله شنطة عذر=وإليا فِتَشْت أوراقها .. أقول ‍‍ .. مي متغيّره
وانسى هموم غيابها .. وأقول .. أهلا يا قمر =نوّرتي القلب المظلّم .. بالخدود النيّره
إليا ذكرتيني كأني .. مالك أهرام .. بــمصر =وإليا نسيتيني كأني .. في عجاج .. السعيّره
وإليا بكيتي .. كنّي اللي ذاق .. من طعن الغدر =خانو به الأقراب .. وأقفوا .. واليدين قصيّره
وإليا ضحكتي .. كني اللي باركو له .. من عصر =اليوم عرسه .. ماخذ ٍ له .. بنت عم محَيّرَه
يا تحفة ٍ ما مرّت .. الدنيا .. ولا بأية عصر =لا بالعصور المظلمه .. ولا العصور النيّره
وجهك برئ .. ونظرة العينين .. تعويذة سحر =عينك تقر بذنبها .. ووجهك يقول : فقيّره
وأنفاسك إليا إنتشرت .. أفلس .. من صنع ( خلطة عطر ) =( قزّاز ) سوقه ينحدر .. على .. بساط حصيّره
وشِعرك مكسّر .. مير لا قلتيه .. يا حلو الكسر =كسرة لسانك .. تعدله .. وتوزّنه .. وتعيّره
وأنا مدام إنّك .. كذا .. بجيب لك راس الشعر =عشان كل ما قصّر .. بوصفك .. أبلعن خيّره[/POEM]

فواز الزناتي
استمتعت هنا كثيراً
فلم أجد رداً يليق ..
بشعرك ولا شاعريتك
الرااائعة
فاحببت الانسحاب بهدوء

دمت مبدع .. ..

فواز الزناتي ..


ويا حظـي اللـي كبّـر .. وسادَتْـه .. بالنـوم وشخـر
مـا يصحـي إلا لا لفـت .. بنـت الخفـوق .. مسيّـره

اللـي ليـا غابـت .. تجينـي .. شايلـه شنطـة عـذر
وإليـا فِتَشْـت أوراقهـا .. أقـول ‍‍ .. مــي متغـيّـره

وانسـى همـوم غيابهـا .. وأقـول .. أهـلا يـا قمـر
نـوّرتـي القـلـب المظـلّـم .. بالـخـدود الـنـيّـره

الله عليك يافواز وربي مبدع



إليـا ذكرتينـي كأنـي .. مالـك أهــرام .. بمـصـر
وإليـا نسيتينـي كأنـي .. فـي عـجـاج .. السعـيّـره

وإليا بكيتـي .. كنّـي اللـي ذاق .. مـن طعـن الغـدر
خانـو بـه الأقـراب .. وأقفـوا .. واليديـن قصـيّـره

وإليا ضحكتي .. كني اللي باركـو لـه .. مـن عصـر
اليـوم عرسـه .. ماخـذ ٍ لـه .. بنـت عـم محَـيّـرَه


هنا مدري وش اقول

احاول اجيب كلام يليق بهالباذخه بس ماقدرت


قصيده بديعه واعجبتني قافيتها الرائعه

سجل اعجابي

سلطان المسلط

شايله شنطة عذر



الله عليك ..


صح لسااااااااانك


لاهنت


تقبل مروري واعجابي بما تكتب






سعد