منتديات أبعاد أدبية

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]إحطبيني ياسميه وأدفي ضلوعك تعبت=أرقبك والبرد يتغلغل بأمانيك ويجور !
إفرضي إن جسدي غابه وهذا الصدر خبت= أشعلي به نار لجل أسكن دفا صدرك: سرور!
إستبيحي ظلمة أفكاري مدام إنّي شربت=زمزمك وأشتعلت أنفاسك مع أنفاسي بخور !
وإنحريني كانـّي مابين هالكفين غبت=كيف أغيب بساعةٍ فيها تلبستك غرور !
ساعةٍ فيها نما في داخل التفكير نبت=غصنه (إ)بلاوعي يتمايل ليا صابك فتور !
ينحني والريح تسئله إنسحبت أو ماإنسحبت=يبتسم ويلخص إجابه على بالي تدور!
ياسميه والبلاد آمن وأنا ظلم إنـّهبت= ليه ما آخذ ثاري بيدّي وأبادلك الشعور !
ليه ما أنبت في بطن كفك ليا من جاك كبت=وأشهقك لامن مسحتي بي طرف وجهك وأثور !
ليه ما أسجد في طرف سجادتك وآقول تبت= وآتبلل لا حصل لإسمي بدعواتك : عبور!
ليه ما أسكن تمتمة حكيك وإذا ضقتي نسبت= ضيقتك لي وأنقهر وأجلد ضميري لين أفور
ليه ماأرميني بدربك وأحلف إني فيك ذبت= دامك اللي من ضياها يستمد النور : نور !
ياهواي من الكمال اللي عطاك الله شبت=إدمحيها لا لمحتي من نظر عيني قصور !
دام لاجيتك غنايم من هواي إلكي سُلبت= ليه أرد جيوش شوفي لا تمد إلك الشبور !
ليه ما أحكم هالمسا ونصير به جمعة وسبت= وأرسمك في دفتر أيامي وأعالج هالكسور !
ليه أجيلك ممتلي بالحكي وأرجع ماسهبت= وأنتي أجمل فرصةٍ مرت على مر العصور !
ليه ماأقدّ القميص النذل لامني رغبت= وأسكن أطرافك ليا طرتي من اللهفة شعور
ليه ما أروي ظلمتي دامي عن التفكير غبت= وأجعلك للي سكن في هامش الأحلام سور !
وأبني التوحيد وآجغرف حدودك لا نشبت=بين ترنيمة حبالك وأفخم أنواع العطور !
وأستفيضك شوق لامنّي من الحيره لعبت=فوق صدرك دور ومن المرجلة ضمّيت دور
وآتبعثر لا تبلورتي وأنا وسطك هربت != ملتجي بالحاكم العادل على حلم القصور !
إنتشيبه لا تلقـّيته وحققّ ماطلبت !=وآتبخّر لا صحيت وشفت ذا كلّه : بخور !
وأرجع أحطبني لهوجاسي وأصوّت لك : ( تعبت= أرقبك والبرد يتغلغل بأمانيك ويجور )
من بعد غزارة الأفكار شوفيني نضبت=مابقى فيني وأنا بير الشعر كود : القشور ![/POEM]