شـــجــــن

قم طفي النور تكفى يا مضيع وطن
لا انته و لا انـا قدرنا نجذب الأهتمام

من يوم يومك وانا خابرك راعي حزن
ومن يوم يومي وانا دايم اعيش الظلام

انته اخوي الصغير اللي يدور حضن
وانـا اخـوك الـكبير اللي عـجـز لا ينام

ولا معك لي! سوى بيض النوايا كِـفـن
و لا معي لك ! سـواي أنهرك لـيـن الفطام

ولا شـكـيتـك حـنـيني! ليه قلبك يـحـن؟
ولـيـه تـفـتـح عـلـيـنـا بــاب لـلـ أنـهــزام؟

ليه تترك شموخي و تبحث المندفن؟
مدامك الفيت الأخضر! لا تشب الحطام

كم لي وانا الجم دموعٍ مالها من رسن
وشلون ياخـوك يفـلـت مـن يديـنك لـجـام

كم لي وانا اخوك صابر لا تحرك شجن
لو هو بـ ينـفـعـك دمعي! ما ذخرته حرام

والحين ياخوك طعني دام محدٍ فطن
قم طـفـي النـور تكفى و لا تـكـثر كـلام


،
،
،

المشاركة الأصلية كتبت بواسطة بندر الصقر (المشاركة 939974) صباح الخير يابو داحم.. صباح الشعر والشعور انته اخوي الصغير اللي يدور حضن وانا أخوك الكبير اللي عجز لا ينام الله عليك.. جميل جدا يا صديقي.. صح لسانك

إهٍَـٍَلٍَْـٌٍَيٌٍَن:*وسٌٍَـٍَُهٍَُـٌٍَلٍَُيٌٍنٍَُ

مساء الانوار يا ابو صقر الله يسعدلي مساك

صح بدنك ولا عليك زود يا النشمي

منور المتصفح طال عمرك

المشاركة الأصلية كتبت بواسطة رشا عَرّابي (المشاركة 939992) سماءٌ موشاةٌ بالحرف شِعراً وشُعوراً الرائع أبوريلام حُيّيتَ وعودَتك التي تَحثو من فَيضِ إلهامِك لِـ إنصاتِنا رُواء لك التّحايا من عبير الورد جوري

مابين العتب والشجن والتبرير المتثاقل
جاء هذا النص مكللاً بالعذوبه,,
صح لسانك يالشاعر