منتديات أبعاد أدبية - تلوميني على حبي الكبير

هذاك أول..يوم الليالي السود

أيام المطر والرعد .. يسد الباب قدامي

أبسألك عن الهوى والشوق
وعن الذكرى والأيام
وحبي لك اللي أبد ماينام

كيف الحياة تشرق وشمسك بعد ما جات؟!

وكيف العمر (مايفرق)
وإنتِ اللي تمنيته

عساكِ دوم مع الأشواق
بقلب ذوبه الفراق

لحظ رمشك ، يطير بكل وجداني
أثاري قلبي النابض تغذينه بشرايينك

أحبك بكل العمر اللي قد مضى
أحبك قدر الجاي من أيامي

هل ياترى الحب اللي في قلبك
يقدر يحب مثلي

هل ياترى قلبك قدر يوفي ؟!

تلوميني على حبي الكبير : كيف يحب؟!

ماكان حقك تلوميني

كان الحق تقولي لقلبك الخافت:
"حرام عليك مالك نبض ، ميت احساس"

صغير..صغير..صغير

أناني ماتقدر تحب غيرك
ماتقدر تحب غير القسوة والآلام
ماتقدر تقدم شمعة للأحلام
ماتقدر تفاجئني ببسمة صادقة
بلحظة عاطفة

خلاص
إبقي غريبة في عالم الأحباب
عجيبة في رسم الأمل
قديرة في درب الألم

هذاك أول يوم حسبت إني نسيت الليالي السود
أثاري السود لياليكِ

ووهم كان إن ( حبك كل آمالي)