انا على حالي .... وكلٍ على حال
واحوال خلق الله " عليهم جميله "
منت بولد عمي ولا انت بولد خال !!
بس " الحـــمــيا " لعنبوها ثقيله
افرح ليا قالو من الناس هم عال
واحزن من العثرات "درب الرذيله"
ماجيت والله مندفع بضرب امثال
وماني على ماقيل ... كفه دليله
شفت الصور "بدله عليها اسم أل"
يقول ابن عمك .... ومافيه حيله
ابسألك بـ الله .. .. الافعال رجال !!
ولا العداوه ماتجي .... بالقليله
لكن حسافه صرت انا ضمن عذال !!
ضميتني والحين شوف الحصيله
عينك تراقبني على القيل والقال
ماودي احلف .... تنتظر كل ليله
عقلك يصوّر بالسوالف والاقوال !!
سوالف الخبلان .. ياهي طويله
قولت نّعم تحتاج وقفات وافعال
والا المهايط .. مايجيب الجزيله
بس اختصرت وقلت افعاله اجزال
ماهو لشخصك بس لأسم القبيله
شوف الحميا كل ابوها على اخبال
بس " الحـــمــيا " لعنبوها ثقيله
#بداح_الشويب

المشاركة الأصلية كتبت بواسطة رشا عَرّابي (المشاركة 916806) بداح أيها الشاعر الماطر مترف هو القصيد بين وبين بدر الخصال مكنون تحايا جلها اكبار

المشاركة الأصلية كتبت بواسطة بَلْقِيسْ الْرَشِيدِي (المشاركة 916831) صَوَّرت الألم من الأقرب لِلرُوح وليتهُم يفقهُون ! أبدعت سَلم احسَاسك والبنان يابداح . كل التقدِير http://www.albrens.com/vb/uploaded/4563_1251393963.gif

المشاركة الأصلية كتبت بواسطة سيرين (المشاركة 916840) احسنت صياغة العامية رسالة طهر ضجت بجزالة النغم شاعرنا المبدع " بداح المطيري " دام جود قلمك بطيب قريحة الغسق وارفة الالق مودتي والياسمين http://shalalaty.com/vb/images/smilies/xx5xxnew4[1].gif