قصة رجل مهزوم
 

السلام عليكم يشرفني الانضمام لهذا الصرح الراقي واقدم لكم هذه القصيدة كـ مصافحة

على مرسى الألم بكتب شعور/ن ميت/ن فيني
كتمته لين/ احسن انه قلتني ريــح جثمــآنه

صرخت وقلت : ياصمتي ترآ ماعآد تعنينـــي
ابكتب واكتب واكتب وفكــري بطلق عــنآنه

ذكرت اني تناسيته بعــد مآكان ناسيــــني
وانا اللي كنت احسب اني قدرت اعيش نسيانه

تعبت اوفي وأوفيله ولـــكن مـــآ يوآفينــي
كرهني طبعي الوآفــي مدام ان الوفـا خآنــه

خسرت العمر من دونه وكسبت جروح تشقيني
آنا قصة رجل مهزوم خسر حربه بميدانـــه

آنا عاشق كره نفسه غريب في مـوآطيني
تعب يشقى ولا يلقى وضاق الكون باكوانـه

عـصآني قلبي/ الوافي وآصــر انه يآذينـــي
خطا يحكم على المخطي يرد ويدفع اثمانه

هربت ومالــقيت الا الســهر والهم يتليني
ورجعت بداخلـــي بكوة حزينه حيل تعبانه

ضحكت وخلف بسماتي كثير اشياء تبكيني
بكيت وضلت الدمعة بوسط العين غرقـانه

كتبت ومالقيت الا حروفي تعترف فينــي
ولا احدن يشعر بحآلي سوا شعري وقيفانه

وذكرت اني تناسيته بعد ماكان ناسيـــني
ونسيت وعادة الكرة وذكرته عقب نسيانه

شعور/ن ميت/ن فيني حسبت انه بيحييني
قتلي بآخر القصة وهويت بجوف نـيرآنــه


شعر / عبدالرحمن جابر الرويلي


وهذي الشيلة بصوت المنشد المبدع خالد الدهيري

http://www.youtube.com/watch?v=Xx37GWsQ2IA&sns=em
ادا خالد الدهيري كلمات عبد الرحمن الرويلي قصة رجل مهزوم

اشكركم على حسن ظنكم بإخيكم .. اسعدني مروركم

وطأت اهلا وسهلا ياعبدالرحمن الرويلي
حضورك مميز ومدهش قرأت واستمتعت
قصيدة عانقت القلوب قبل العيون
تقبل ودي وكثير التحايا

اكتب واكتب ثم اكتب يا عبد الرحمن
ما أروعك
ما أعذبك
ما أجملك

أهلا بشاعر من العلياء
للشعر في محراب قافيتك ألف معنى ومعنى وترنيم آية من بديع الشعر

حييت أبعادا اهلا وسهلا

شاعر مبدع
وراقي
وثري بلإحساس
العامر بالشعور

رجل مهزوم

الرجال لا يقهرون
الأن بقهرهم هزيمه

أهلا بك وبحرفك
وشاعريتك التي تجعلنا نحلق معك
دمت شاعرا أبعادي