غلطة نبيه..
 

مساء الشعر والإحساس والطيبة ،،
.
.
.

خيّم علي الحزن.. وانكرت.. الوجيه
وغطست في بحر الهواجيس وعبرت
قلت احترم.. ليل الوصل قبل ابتديه
لجل انصف حضوري اليا مني حضرت
واعلّم الدمع العصي .. قبل احتويه
باني كبرت.. من الفراق.. ولا صغرت
يا طير خذني في جناحك لاي تيه
لو لي ترى مثلك جناحٍن كان طرت
ماودي يلحق خاطري شي اشتهيه
ولا ودي اترك للندم شيٍ خبرت
حظي واخبْره.. ما ذخر شي بيديه
وانا على بابه عمر ياما نطرت
ابي أطيش شوي ..عن دربه واتيه
وابعثر جنوني عبث اذا انقهرت
عيا الزمان اني ..اكون اللي أبيه
وحاولت اكون اللي يبيه وما قدرت
عزّت علي نفسي وانا حلمي نزيه
وحشمت ليلٍ في حجر عينه سهرت
قلت ارسم احلامي على وجه ابتغيه
والملم شعور الحزن.. اذا انعثرت
واسمّي ما يجري معي ..غلطة نبيه
واقول بان الله معي دامي شكرت


فرحان الصعب.

أنت منصف لحضورك يافرحان
لأنك انصفت الشعر والقريحة
أنت طائر وجناحاك هما صدر وعجز البيت الشعري الجزل
لسانك شاكر ذاكر

تقبل الود

لا أستطيع أن أصف سعادتي بمرورك ،

وأنا سعيد وفخور جداً بأني لامست ذائقتك ..


شكرا لا تكفي..

رائع يافرحان
تقديري

مبدع
سلمت
وطاب حضورك بكل خير

اتمنى
بالمزيد

من الأبداع
دمت بخير

حضور مشرف

وشعر اكثر من رائع لله درك