وجه الشروق..
 

صباح الخير يا سادة..




بيني.. وبينك.. كل شي.. وله مدى..
وكل ما يزود العمر بك.. زاد..الحمل..
لا كثْرت..هموم الزمن .. شيبك بدا..
ويجثم على صدرك حزن.. مثل الجبل..
احلامك ان شفته كذا ضاعت سدى..
لا يقهرك .. حطّابها ..وش ما..حصل..
تحيا.. عناقيد الأمل.. إذا.. اهتدى..
حظك ..ومع.. موت الأمل ..يولد أمل..
وان شفت لك صاحب تمادى واعتدا..
لا تظلمه.. لو يظلمك .. وقت الزعل..
خلك معه وجه ..الشروق..اذا ابتدا..
وخلّك معه سحر الغروب اذا..رحل..
قله انا.. لجل الخوي .. كلي.. فدا..
لاني.. ابن ناسٍ..بهم..مضرب مثل..
ان جيتهم وقت الرخا مثل ..الندى..
وان جيتهم.. وقت الدهر..مثل النخل..
وشتستفيد ان شنت.. وكثّرت العدا..
وبدّلت ثوب العقل.. بثياب الجهل..
لو انت ابن شيخٍ ..ومن روس عقدا..
وش يرفعك للناس..لو قدرك ..نزل..
بالك.. تشاور..واحدن ..مابه..جدا..
ولا له مع اهل الطيب..ناقه او جمل..
يا كثر ما ردّى .. رجل ما به ردى..
ويا كثر ما طيّب تبع.. ما هو رجل..
شف صاحبك عقبك ترى حاله غدى..
مثل اليتيم اللي من احزانه نحل..
الى متى يزهمْك ..ولا تْجيب الندى..
وينطر من دروبك..جواب ولا وصل..
من كثر ما صوّت ولا رد الصدى..
ترك لك..ابياته على..راس الجبل..
ياليت.. حلمي..بالسما..ماله مدى..
واغمّض عيوني كذا..وارجع طفل..


فرحان الصعب.

بالك.. تشاور..واحدن ..مابه..جدا..
ولا له مع اهل الطيب..ناقه او جمل..
صدقت يابو صعب
تقديري

شعرٌ رائقٌ جدا

هنا الشاعرية ..

شكرًا فرحان

وجوه الشروق كثيرة
وكل منا يرها بشكل مختلف
وهنا شاعرنا أبدع في شروقه
أخذنا إلى أوردته ونبضه و
إقتربنا إقتربنا من حسه المرهف
وبصيرة في القلب يحملها

فرحان الشلاقي

قصيدة تذكرنا بروائع قصائد الحكمة ولا سيما شيخات القصيد الثلاث

قصيدة قوية بليغة أبدعت فيها وصدقت

صح لسانك ودام ابداعك

أخي وليد : تشرفت وسعدت بمرورك..

الف شكر.

الجميل عبدالإله المالك..

أسعدتنا بكلماتك الله يسعدك..