|
مشتاق لـ المرحوم ..
ضيقت صدري حمامه في غناها - جات فوق الغصن لما جيت تحته : طولت بالنوح / مدري وش بلاها - والحزن قام اكتسحني واكتسحته رجعت للقلب ذكرى كم نساها - والفرح بعد الحزن توي لـ محته : موت سامي / صرختي / أمي / بكاها ورجعت لي موقف ابكي لا شرحته ( أم ) تتحضن وهي تبكي ضناها - ودمعها اللي سأل بيديني مسحته : بس يوم إني جلست ابكي معاها - يا وليدي قالت " قليبي جرحته " والله ان العين غصب يسيل ماها - ولو طلب عمري قبل موته منحته : ضيقت صدري حمامه في غناها - وذكرتني بالصياح اللي ماصحته مشتاق لـ المرحوم فالبيت كل شي - اخوي سامي ( مات ) واحس أنا فيه : كم شخص ماله أي طاري وهو حي - وكم شخص مات وحي لليوم طاريه مرحوم يا غالي دفـنته ( بـيّدي ) - ! وابكي وشوف الناس وياي تبكيه : عليه في صدري حزن ماهو شوي - برثيه لـكن ( ماقدرت اني إرثيه ) : تروح له من دون لا احس رجلي - القبر / وابكي عند قبره واحاكيه : أقوله يا خي ، يا خي ، يا خي ؟! ( ولا حياة هناك لـ اللي تناديه ) يالله عسى قبر اندفن فيه لضي - يالله عسى فوقه سحايب تغطيه : يالله عسى ترويه / لا نش بالمي + والعشب ينبت والمطر دوم يسقيه |
مرضي البلوي .. رحم الله أخاك وأسكنه فسيح جنانه وجمعكم به في جنته ورغم الحزن يتجلى البوح العذب كالهديل تقديري |
صح بدنك مرضي راائعة
ورحم الله اخاك واسكنه فسيح جناته .. والهمكم الصبر والسلوان .. ملاحظة أخي الغالي / لا يجوز اطلاق كلمة المرحوم على أي انسان كائناً من كان ؟؟ لأنها تعني الجزم بالرحمة والتألي على الله .. اعيذك ونفسي من هذا .. ولكن يقال عليه رحمة الله . او في رحمة الله .. جميعنا كنا نقول قبل 30 سنه او تزود .. المرحوم .. |
..
رحمة الله على أخيك يا طيب، ألهمكم الله الصبر والسلوان وأسكنه الله الفردوس الأعلى من الجنان |
رحم الله سامي وعوضكم بفقده خيرا وكتب لك ولوالدتك العمر المديد على طاعته
نص وجداني يتحدث عن ألم حقيقي ويجسد معاناة لذكرى من الصعب أن تزول لحبيب غائب غياباً أبديّاً |
يا موت تأخذ أعزائنا
وتخلف الجرح ورائكَ نؤمن بگ أنگ حق عليناااا نؤمن بقدر مكتوب في يدينا يا موت تفر صامتا وتصم أُذنيگ وتخلف فينا زرع من الوجع ...... ...... الهمكم الله الصبر والسلوان بفقد الغالي وأسقاه من الكوثر |
الله يسامحك يا مرضي .. استفزيت الآه من قلبي وبكيت فرقا أخوي مع بكاك لفراق أخوك .. من سنوات راح وكل يوم يتجدد الحزن .. الشقيق ما ننساه أبد.. أبد ما ننساه .. الله يرحم كل اللي بالموت فارقونا .. هم السابقون ونحن اللاحقون .. |
الله يصبر قلبك وكلنا لهذا يامرضي
قصيدك كله احبه لنك شاعر بالفطره وهي مشاعرك اللي تجيبك دمت كما تحب |
| الساعة الآن 06:25 AM |
Powered by vBulletin® Copyright ©2000 - 2025, Jelsoft Enterprises Ltd.