مرجحه ... على هاوية الشعر ..
 

كل من ورثت الشعر منهم .. استقاموا عنه

إلا أنا


ما زلت اتمرجح على هاويته ..

مات أجمل البوح في صدري ولا قلته
كن القصايد هجير وصمتي ظلالـــي

أبـبتسم للقدر ... لونــي تثاقلتـــه
أنا رضيت المفارق .. فالك وفالـي

بين هوجاس القصيد وضيق قافه
خلنّي ماني على حالي مخيــّر

الحضور أكثر من غيابك أخافـه
لأني ادري بعدها احساسك تغيـّر

كن البشر مثل طبع اوراقي الخرسا
على كثر ما يسير الليل بـ اشعاري

الناس لحظه شعوري تسمع وتنسآ
صعبه يحس بـ عميق جروحي القاري

لو ضامك الترحال صدري لك الحِل
وشمسك يبه لو زاد ليلك كئآبــه

كل انحنائه للبشر تعني الذِل
إلا انحنائي لك غرور ومهابـه

أنتي غيابك ذنب ما عنْه تبرير
وأنا ضلوعي من الفراق استباحت

لو الليالي غصن احاسيسي الطير
ادناة ذكرى للمواليف نـــاحـــت