الأحبة الكرام ،
يشتاق القلب اليكم ، وعربون التواصل كان بقصيده تتواضع أمام هذه القامات
الشعرية ، عسى ان تصل الى قلوبكم الوارفة فكرا وأدبا .

يالي من عيونك مسافة شوق تسعالي=قرب وشيله هاالغياب اللي يسكن فبعدك
جيتك وعزٍّ ما خذلني صافحه فالي=كيف الأماني لو كثيرة جبتها لسعدك
زفيت قلبٍ قادني يا عشق للغالي=وامطرت حبٍّ من بنات الشوق في رغدك
أنتي تفاصيل الهوى وأنتي هوى بالي=وأنتي حكايات الشّعرْ تزهو على عِقْدك
وانا سلبتك خافقي لك حارس وسالي=كلْما تغمّض عينها يسهر على سهدك
خبيت نبضك في وسط ظلعي ومنزالي=وأوقدت شمس ٍ نورها ينبت على خدك
شفتك وميض ٍ بالسماء لك بارق ٍ عالي=بين الغيوم وديمها يبزغ سنا وجدك
جيتك أبنثر من جميل احساسي آمالي=ولقيتها طْيوفك تسابقني على ودّك
نورٍ جميل وصبح نورك قد تهيّالي=الكون كفّـه وانتي بْكفّة غلا لوحدك
بستان قلبك يانع بْزهره ، وَيحلالي=يزهو مثل شاش البياض الي , بَـكفْ يدّك
اطوي غيابك بين صدر ٍ تحبسه حالي=وانتي هنا بعيني ويبقى وعدي وعهدك
ذاب البعد كلّه وصرتي الشاغل الحالي=مدي على الراحه وعزّ ٍ جالك بيدّك

المشاركة الأصلية كتبت بواسطة ميــرال (المشاركة 827440) تسلم روحك والشعر يارضوان شعر انهمر من السماء شكرا لك وللشعر

خـبـيـت نـبـضــك فــــي وســــط ظـلـعــي ومـنـزالــي وأوقــدت شـمـس ٍ نـورهـا يـنـبـت عـلــى خـــدك

المشاركة الأصلية كتبت بواسطة عبدالإله المالك (المشاركة 827460) رضوان . . ومسافة الشوق هززت الشعر هزا مشاعر جياشة عبقة رقراقة تقبل التحية والود