(( وجـيـه المباني ))
 

[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الضيقه اللي برّكت بالمحاني=جتني وانا اللي ذنبها ماجنيته
اردّها وآقوم اغـيّر مكاني=لكنّها تورد على مستميته
واغرف لها من عد صدري معاني=عدن حفرته بالضلوع وطويته
تنبت على جاله غصون الأماني=وحلم ٍ من إحساسي ونبضي سقيته
يالله دخيلك من بلاوي زماني=واعوذ بك من شر درب مشيته
الحزن من بين العباد اصطفاني=وقلطت له صدري قصيد وفريته
وان كان ليله في كنفه احتواني=نجبت له حمرا قصيد وسريته
اهيم بدروبه واعد الثواني=والصبح ما اثقل خطوته لا احتريته
وليا اشرقت شمس الأمل في كياني=يممت وجهي للكريم ودعيته
يشرح ضنك صدري ويحفظ لساني=ويحيي بصدري كل حلم رثيته
وان قمت اناظر في وجيه المباني=ياكثر من يشبه تفاصيل بيته
(وجيه) من ربي خلقها تعاني=و(وجيه) من ربي خلقها بخيته
العمر بذل وتضحيات وتفاني =ومن طاب حظه طاب فعله وصيته
أحب نفسي بس ماني أناني =لو صاحبي يطلب عيوني عطيته
كم واحد ٍ لامن نخيته لفاني =ولا احتاجني في ساعة الضيق جيته
كم واحدن لا من بغاني لقاني=لكنّ انا لا احتجت له مالقيته[/poem]

حتى لو ما لقيته يابو ممدوح
يكفي انك لقيت الشعر والشعر لقاك
قصيدة تحمل عبق الاصالة والشعر الرزين والشاعرية الغير مصطنعة
سعيد يابو ممدوح كوني الأول في متصفحك الثمين
لك التحية والتقدير

ربي يشرح لك صدرك ياعطالله
مثل هذه الحروف الوجدانيه تلمس ارواحنا ولا تتركنا دون تأمل بها
هذه العذوبه تأخذنا رغم ضيقها الى شرفات تطل على الغيم
يسعد مساالشعر بحضورك

الشاعر الجزل / عطالله ممدوح

ابداع مستمر وتألق في سماء الشاعرية!

الله الله


صح السانك ولاهنت يالغالي

التحيه والتقدير
.

[poem=font=",6,coral,normal,normal" bkcolor="transparent" bkimage="" border="none,4," type=3 line=0 align=center use=ex num="0,black""]
واغـرف لـهـا مــن عــد صــدري معـانـي=عـــــدن حـفــرتــه بـالـضـلــوع وطـويــتــه
تنـبـت عـلـى جـالـه غـصــون الأمـانــي=وحلم ٍ من إحساسي ونبضي سقيته [/poem]

الشاعر العريق / عطالله ممدوح
انتقائيتك للمفردات العريقة اصبحت سمة تلاصق نصوصك
هذا العد يا عطالله رغم صدى صوت الحزن في اعماقة إلا انه لم
يغير من عذوبته التي تشبه مفردة [قراح] تماماً

ازاح الله الحزن عن قلبك
اخوك