|
مــآ لـ غصّـآت السوالف يابعد حيّ ثمره !
الفقد لغه لايترجمهــآ سوى الدموع والشعر فقط ..
عذرآ الغيــآب هنا حاتميٌ جــدآ .. |
ماهو كــل منهو دفنا ينحسـب حسبة فقيد بعضهم موته حيـاةً تنعش احساس المكان لاتكلمني عن اللــي بـ قلبك الدافي وتعيد حكينـــا بالفايت اللــي ماضــيً فينــا زمان نقـــص بـ عقولً خذلهـــا وقت لرضانا عنيد مابقى بـ صدوف جــوره تالي احلام وامان ولاتذكرني بـ عشـــقً واحتضر فينا شهيد واسمع لحكيً بقوله ماهو بحاجة ضمان حكمي الشرعي بقلبك ياولد عـم القصيد يشبـه لـ طربان غنا لاصـدح صـوت الاذان |
لايقـــول انسي ونسيـــاني بري مـــن شعـــورً مادلــه يوم وشرى راحــــةً عيــــونً هدبـهـــا يحتري النعــــاس اللــــي تمنّـــآه الكرى الولـــــه في داخل ضلوعي ثري مانقص لو تسكـن عظامي ثرى استــر احزاني وهـن عقبه عُري ويـفضـــحن شـــوقً تحداه وقرى خاطـــرً فيني من الكَسره طري ايتـثــنـى حـــزن لامـــنّـــه طرى |
: اخــتـــلاف الـــراي لايفســـد قضيّه مؤمنً لو يشتكى صوت الفحيح هـ الكـــلام ولو لقى عنـدك حضيّه مــــن يقولــه ماذكر حكـيً صحيح النفــــوس الـطاغيه واللــي رضيّه ماتمــــد الحلـــم والواقـــع شحيح |
اه يــافـــرحً بـ قلبـــي مااحـــدً يقــدر يجيبه غيـــر طيــفً لا لفاني خاطـــري زاد ابتهاجه ضاقت صدور المواني في مراسيه القريبه يمّة احلام المواصــل تاخذ انفـاس انفراجه الغــــلآ شرقيته تاخــذ من عيـون الحبيبه دمــع لو تلقف سريبــه زاد صافيه اندراجه وقتنا من زود جـوره يشتكي غبنة مشيبه ماقــدر يفهــم شعــورً زاد بالقلب اختلاجه لاعـــوى بين المحاني حلم ماجاوبت ذيبه نومها دربً خذا له عُـــرف مانقوى انتهاجه ان سكتنــا من قهرنا صـار بالبوح المصيبه مالنـــا الا قـــصيـــدً زادنــــا حــــزنً نتاجه في نظـرهم اني انثى نبض خفاقي معيبه لازم اطى فوق قلبي / يلبس المذبوح تاجه ليت يوم انك نويت بـ عــذب حرفينك تصيبه لـــدك الله ماعطيتـــه ليل مكسورً سراجه بعض حكـي الناس لامنه غدى خسّه وريبه ودك بـ قبر السكوت ويندفن هرج السماجه كل ماتظلـــم شعورك في نظرهم زدت هيبه عندهم لامن عشقت البنت تعشقها لـ حاجه |
• عافــت سنين الفـــرح دمعاتــي وعيني والـــروح شــوفً يــديـن الوقـت طارفها خذني على جمـة الاحساس واسقيني مـلامــحً صٓــدقهـــا بَـ رشـــاك غارفها تكفــى ترجل عــن النشــدات واعفيني لابـــانت ديــار صمتــي فــي مشارفها طمعــان بَـ رضاي / بعدك مايراضيني القــرب يرضي خفـوقي وانــت عارفها لاشــك طــالت مــابيـن وصـــالك وبيني وحكـي العواذل سـقى بَـ الكذب وارفها |
ماعـاد لَـ شعــور العشاشيــق ذمّه شلفاه تطعن ظهر الاحلام وتصيح ويــمـوت ليـــلً فــي صبـــاحه تتمّه بَـ اخر مدى يتنفس الضيق تجريح اسهـــر علشـــان المحــاجر تضمّه طيفً زرع بضلوعي حكايـة الشيح يــغّــتــر نـــعنـــاعه ويـــحتـــار شمّه ويفـــوح مــن عطـر القصايد تباريح شــلــيل ضنـــي مــاهقـــى فيـه كمّه لو يٓـقطــع بَـ زرّ الهقـــاوي مشـافيح |
ليـــه كفــه لالــمــس كــفـي شرق سيـــل حـــرفً بحّــته تسبـــق وفاه اه لامــــنــه وســـط روحــي غـــرق وكــل بــيــتً لاغـــرق فـينــي لفاه لو ســمـــا صــدري تــمثنــاه وبرق ماأرتـــوى قــــآعً عــلشـانه كـــفاه لو كثـــيـر العشــق بس ربي فرق بين منهــو اشعــل الشوق وطفاه الوله فــي داخــل ضلــوعي حرق جرح ينـزف يحـتري لــمسة شفاه وســط نـــاي الشــوق غنّيــة ارق لاغفــــت ترنيمتــي بيــن الشفاه ذاب فينـــي ليــن تنهيــدي سرق ضــيقـــةً تاخـذ مـــن انفاسه نفاه شـــعـــر ذوّقـــتــــه فراولـــة الورق ليـــن توتـــه نـــام بــ الحبـر وغفاه |
| الساعة الآن 02:45 PM |
Powered by vBulletin® Copyright ©2000 - 2025, Jelsoft Enterprises Ltd.