مغترب
 

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]



المدينه تشارف شمسها للزوال=والمنارات فيها مابه أيات ليت



والقمر غاب عن ليل المدينه وطال=والفضا ضاق فيني يوم عليَه لفيت



من سبب غربتي ماشوف فيها جمال=او على ناسها مع جوها ماخذيت



مغترب لو من حولي عمام وخوال=دامني مبتعد عن ديرتي ماهنيت



مغترب واكتب ابياتي بصدر الرمال=كل ماجيب ابنسا ديرتي ما قويت



ايه احبه وحبه ياهبوب الشمال=يمسح ابيات صده والعنا بيت بيت



اشجع انسان انا قدام كل الرجال=واضعف انسان لامن مع همومي بقيت



آتوجد على الجهرا وذيك الليال=واذكر اجمل سنينٍ في هواها ربيت



واذكر ايام صغري والسعد والدلال=واذكر ايام تيما يوم فيها وعيت



واذكر المدرسه واسماء بعض العيال=واذكر اول دروسٍ في كتابي قريت



واذكر الدمع يوم انه على الخد سال=واذكر آلام قلبي يوم عنها مشيت



والله اني احبه فوق حد الخيال=ومن غلاها وبعدي عن ثراها بكيت



مبتعد وانحت ابياتي بصم الجبال=من غلا تربة الجهرا .. فديت الكويت[/poem]

صح قلبك وحرفك ياهيكل
تستحق الكويت الغناء لها
تقديري

صح لسانك يا هيكل
وأعادك الله لحبك / وطنك الكويت ,
نص مشبع بالعاطفة الصادقة ,.

دايماً سبحان الله الكتابه عن الوطن والحنين له غير ماينتهي الغزل بالوطن
عزالله ياسنعوس انها شعر كانت المسيقى والجرس طاغيان على الحسن
والدليل انها اتت من قلبك تجلي الهجه وهذا يدل إنها من القلب فعل ٍصور شعريه جميله ابدعت بهذا النص الوطني والعاطفي بنفس الوقت