دوامة التفكير
 

[poem=font=",6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هليت عبرة فراقك من الم في سكات=واللحظه اللي تجيب فراقك املها
تمر دوامة التفكير باربع جهات=وتصتدم بالجهات الاربعه كلها
احاول انسى واردد كل مافات مات=واقول ليه الدموع من اجلك اهلها
ما اظن تحتاج يا المجمول مني وصاة=قضية الحب بيدك واعطني حلها
متى تجيني ضعونك يالغضى مقبلات=وكبودنا من مزون وصالك نبلها
نعيد بالوصل ما يرضي من الذكريات=والذكريات الاليمه نقدر نزلها
تغدي رياض الحشى من شوفتك مزهرات=ما فيه غيرك محاني روحي يدلها
اصبح وقيِّل وخذ لك بالمشاعر مبات=وادخل قلاع المشاعر قسر واحتلها
واترك كلام الرخوم وخذ كلام الثقات=الديره اللي تخون بربعها خلها
واعمر ديارك بقلبي ثم لم الشتات=وسيوف هجرك دخيلك بطل تسلها
قلوب من دون حب اشوفها خاويات=وقصور من دون رود اش فايدة زلها
وحب من دون وصل بيفتقد للثبات=والروح ما تستقر اذا هجر خلها
اربط عرى الود في دنيا الغلا بالصلات=وازرع نخيل الوصال يبردك ظلها
تعال ننسى كلام اهل الردى والوشاة=ونعيش زهر الحياة ونقتطف فلها
ما أقول هذي حياتي كيف ما جات جات = لاجل إنها لو غدت ما بقدر أعلها [/poem]

سعيد الغامدي

قصيدة مورقة ومشرقة في سماء الشعر ..

دمت بكل الود

الله الله ياسعيد
نص رائع اسعدني تواجدي هنا

اهلا وسهلا بحضورك الـ اكثر من رائع
تتشرف ابعاد بهذه السقيا
الف اهلا