الله يعظم أجرنا .. فالغالي ..!!!!
 

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
سلام مني للصديق الغالي=إللي خياله ما يغادر بالي
سلام ماشي من ضواحي ينبع=يوصل لقلبه عاجلاً بالحالي
شخصاً أعزّه من سنيناً مرّت=في منزلة روحي .. و أخي .. وأخوالي
عشنا تفاصيل العمر وأيامه=يوماً يجي مراً ويوماً حالي
إذا فرحت بشي يفرح مثلي=وبفرحته والله تسر أحوالي
وإن ضاق صدره أو تضايق صدري=لاهو صفى جوّه ولا يصفالي
نتقاسم اللقمه ولو ما تكفي=ما يهتني وحده ولا يهنالي
وغير الشراكه بالحزن و الفرحه=إللي بجيبه كنت أعدّه مالي
يعجبه شعري لا قريت أبياته=وإذا نسيت أقرأ يقول إقرالي
وإن غاب واحد يفتقده الثاني=أطرا على باله وهو يطرالي
لكن تغير صاحبي من مدّه=ما عاد يحلاله كما يحلالي
نسي بهذا الوقت ذيك العشرة=وأصبح يجافي ما تراه يبالي
إن كان له حقاً وشياً عندي=معدال حقّه غترتي وعقالي
وإن كان ناوي صدق موت الصحبه=الله يعظم أجرنا بالغالي ..!
[/poem]

لكـن تغيـر صاحبـي مــن مــدّه
مـا عـاد يحلالـه كـمـا يحـلالـي

يا كثر مايتغير الأصحاب على بعضهم يا عبدالرحمن
هذا زمن التغيير بلا شك !
لكن يقول المثل : لعل له عذر وأنت تلوم .

حقيقة أستمتعت بالنص تماما
حتى ظننته رثاء حقيقيا
ألى أن وصلت لآخره ..

أبدعت ، صح لسانك.