منتديات أبعاد أدبية - && الليل .. والشعر .. واللوعه .. وترحالي &&

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الليل .. والشعر .. واللوعه .. وترحالي=والنفس .. والضيق .. والعزّه .. وموالي
والفقر لامنْه صاحب حظي الأقشر =ثم إعتلا صهوة القيفان خيّالي
بين إندلاعة حريق .. بفكر متشوّش =وبين الصفاوه .. بفكر ٍ .. داله وسالي
وبين إختلاف .. الذكر بالموت .. وفي قولة =إن (مت/عالي) أكيد الصيت (متـعالي)
وبين إنحناءة عظيم ٍ .. مال به عصره =وبين إرتفاعة لئيم ٍ .. رزّه المالي
وبين إختلاف .. النُظُم .. في عصر متوتر =بين الديموقراطي .. وبين الإمبريالي
هذا يحفْر .. وهذاك يحفْر من يمّه =والقصد واحد .. وقصده .. رأسنا المالي
وبين التخبط .. وعشوائية الكاتب =اللي يسابق .. زمان ٍٍ .. كنّه الرالي
ولاصار مفهوم شعره .. عنده ملخبط =أنا مفاهيم شعري .. بالسما عالي
الشعر .. أما كسبت الناس .. به ولا =يا عل شعري عقيم .. وماله الوالي
والكذب لو هو .. رجل .. أكسر بيالاته =واشرب فناجيله .. وأعلن له قتالي
وأذكرك في مقالة جدنا ( سالم ) =( الزير ) راع الجزيله .. وإسمع التالي:
( الزيرُ أنشدَ شعراً من ضَمَائرهِ =العزُّ بالسيف ِ ليسَ العزُّ بالمالي
فكنْ معَ الناسِ كالميزانِ معتدلاً=ولاتقولنّ ذا عمّي وذا خالي
العمُّ منْ أنتَ مغموراً بنعمتهِ=والخَالُ منْ أنتَ منْ أضرارهِ خالي )
هذا كلامه .. وأنا با رد وأغنّي = وأجدد القاف .. دامه جد فنجالي
أجدده في علوم ٍ .. كلها تبهر =ماهي وجودي .. ولاهي .. يا بري حالي
على .. غزال ٍ .. شغوف ٍ .. بالحلا وافي=لو طاح .. ملحه بشاهي .. يقلبه حالي
لا صار ملحك كذا !! .. وش عاد بالسكر ؟=مذور لو شفتهم .. طابور عذّالي
السكر آذوب .. منّه .. من مجاميعي=ولا صار من شفّتك .. يذوّب ظلالي
الله يعين الخفوق .. المولع .. الطامع=بوصلك .. وقربك .. وضمة .. صدرك الغالي
لاجيت مقبل .. ما عاد الكون ياسعني =وان رحت مقفي .. أشوف الموت يبرالي
وأكبر دليل .. الهوى .. ما تفرق أجناسه !! =لستُ من أهلك .. ولستي .. من بني آلي
يا ديرة العشق .. يا مجلس طموحاتي=يا برلمان الهوى .. يا سدي العالي
يا حشرجة صوتي .. ويا برمجت سمعي=ويا منطق لساني .. ويا وقفات أطلالي
ويا سلتي في وجيه .. عداي لسيوفي=للي يحاول .. يفكر بس .. باذلالي
يا ريحة الورد .. يالريحان .. يالعنبر=يا ليلة النصف .. يا قمراي .. يا هلالي
لو جبت قاضي .. وقضالي .. بمسألة رمشك =منهو ؟ .. من عيونك السود ..إيتقاضالي ؟!
كلي فدى .. دمعة ٍ من عينك .. بعينك =دموع حيّه .. وأبترك .. دمعك البالي
أي والله إني .. ( أحبك ) .. بس إسمعني =وافهم معاني كلامي .. واسم التالي :
ما ملت في يوم .. ولاني .. من هل الميله =إلا بمحبتك .. وطنخة .. ( ميلة عقالي )[/POEM]

,

,

,

فواز الزناتي ..............,,