طبطبة !
 

[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
.
.
.



البارحة كان ما بيني وبيني شبه=قلت انتهز فرصتي واكتبني بْدفتري
أخذتني من يميني .. قلت لي : إنتبه=الليلة ابغاك تكتب اوليّ وآخري
جاوبتني : يا ولد خلّك على ما اْنت به=سوالفك عارية ما هي بْحاجة عُري
صرخت فيني وش اللي خايفٍ تكتبه؟=خذ راحتك .. كل اقلـّي مثل بعض اكثري
شف يا أنا ما حدٍ غيرك قدرت اطلبه ..=يبوحني .. دام ما به غيري اللي دري!
أخيراً اقنعتني والدرب راح اصعبه=قلت استهلي يا زفرات الحشا وامطري
بديتني طفل يلعبني مثل ما اْلعبه=كم مرةٍ صرت (مهبول) وتعّلى ظْهري
من يومها طيبة الاطفال بي معشبة=رغم اصفرار الحنايا .. هي بقت أخضري
واصبحتني شاب حسّ المشي ما يتعبه=قال الحق المغريات الدنيوية جري
احسّني هامشي ما اْملك ولا موهبة=سجّيت عن جوهري سعياً ورى مظهري
أروح لاْبعد مدى واْلقاني فْ أقربه=أثري وقفت بْ طريق اللاوعود احتري
أبطى حضورٍ نشف دمّي وانا اْترقبه=في سوق الاحلام لا بايع ولا مشتري
هذا الجسد كثر ما هو منحرم طبطبة ..=ما مرّ يوم وهقيت اني احّسه طري!!
راح العمر ما عرفت ارداه من أطيبه=وباكر لْيا من عرفت امداه شاب شْعري

.
.
.[/poem]

أبو هادي
ما قريت ولا بيت
ولكن لأني مستعجل وشعرك يحتاج قعدة مثل وكأسة شاي مثل ما يقال
سجلت اسمي في متصفحك
وأن شاء الله لي عودة

.
رائع هذا الحضور ورائع الشعر
مبدع واكثر

محمد السعيد !!
اقسم بالله يا رجل انك من الاسماء التي لا يشبهها احد !!
انت تكتب نفسك وانت من جعلت للحزن ابداع !
تكفى امانه .. سلم على قلبك !!

( وانا عرفت المدى من عقب شاب شعري )

والله يامحمد إن هذا النص يحكيني بشكل غريب , غريب جدا لدرجة إني إقتحمته لأجعل مني واحدا منك أنت وأنت ..

أما لغتك فنبعٌ أجاج نستسقيه فنغرق بما يجود علينا به ونخرج جميعا أكثر حياة ..
هو الشكر يا محمد ماقد يوصل لك بعضًا مما في نفسي , فكل الشكر .