منتديات أبعاد أدبية - مجنون ، لــ أنثى جموح

ولوج :

علّم اسطور النوايا تحتفظ فيك بـْ ضنين
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ لا عجز عنوان عمرك يشرح لـْ معنى كمال

الحروف اظروف مقفولـه ، بَهَا سرٍ دفين
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ يوصَلِك مقفولها : مفتوح .. من دون اتّكال

والظروف : احروف تتشكل على مرّ السنين
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ تكتبك كلمه وكلمه .. فلسفه تفتح مجال

للبشر تفهم زفيرك لا تلى شهقة حنين
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ بس تحمّل لا يجي ناتج زفيرك بانفعال

صدّق اللي قال لك كلْ شيّ مقدور ومبين
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ لانّ هالدنيا تصدّق انّ مافي شي محال

http://www.ab33ad.info/up/uploads/im...09e81f4f14.jpg

مجنون مدري ! عاقلٍ وللا خبل؟ ـــــــــــــــــــ
ـــــــــــــــــــ وللا رزين .. وْ ما قدرت أستوعبه ؟؟!

ان قلت له محدن وصل عندي قبل ـــــــــــــــــــ
ـــــــــــــــــــ قال: انطري ،،، و آنا مجرّد ( تجربه ) !

وان قلتله : انته الأخير .. ابينهبل ـــــــــــــــــــ
ـــــــــــــــــــ مسكين .. ما يقدر .. كلامي يسلبه:

عقله ، وتاريخه ، وذاته ، والطفل ـــــــــــــــــــ
ـــــــــــــــــــ معشوق في صدري وروحي معجبه!

مجنون مدري
عاقلٍ وللا خبل
وللا رزين
و
ما قدرت استوعبه؟
،
في أوّله شوق و : وَله
وبآخره : وخري ولا
تتقرّبي مني
فلا لي خلق أتعلق
ولا أحب المقربه !
،
يطلب يشوف الباسي ،
و
يرفض أطالع قالبه !
،
فجأه تصير أحلامه الصعبه : سهل
واحيان ما يرضى يخوض بـ سالفة لمّ الشمل
متأرجح بـ قلبي .. وانا
متأرجحة و متكهربه
،
يا كثر ما يقطع كلامي
ويْهَمِل
وآعيد له بعض السوالف والجُمَل
ويقول لا
ما قد طريتيها علي !
،
أحيييه مَـ ثْقل حاجبه
يوم انه ايعاتبني بـ نظرة زعل
لحظة أنا المفروض .. أنا المفروض أنا الـ آعاتبه ....!
،
يزعل لأني ما كتبته في قصيدي
قال لي بابك فتحتيه وْ على
مصراعه الأول مع الثاني لغيري منسبه
هالناس تقرالك
وانا الشخص الوحيد اللي شعورك ناسَبَه
يعني لـ غلا روحك كتبتي
وأمك
و
شي من زمان
و
عمّتك
وآخر منى ......
طيّب وانا ؟
قلت أبشر بـ عزك وجيته بالحروف اللي تشوفوها هنا
وش رايكم ؟!