والله كبرت وجوا بناتي خواطيب
 

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا محمد اسمع .. كان تبغى المواجيب = ( واللي خلق ) لاعطيك مفتاح بابي
السالفة عدت ضيوف ومعازيب = السالفة .. وصلت حدود العلابي
ودام التواصل بيننا .. بالمكاتيب = تعال أفسر لك طلاسم كتابي
صارت مجالسنا لحش العراقيب = وسفيهنا في كل حزة يبابي
والا أنت ذيب وطالعٍ من ظهر ذيب = ومثلك يا ابو حجي ذهابه ذهابي
والحمد للي صان نفسي عن العيب = والفضل للي للمعالي رقابي
ودامه كبر راسك وترسل مناديب = وصرت اتعمد يا عضيدي عذابي
انا كبرت وجوا بناتي خواطيب = وأنا أحسب إني في بداية شبابي
أضحك على نفسي وأنتف من الشيب = وأزين الكشخة ... بكشخة ثيابي
وما دام في عينك صوابي عذاريب = والله لتبطي .. ما يجيلك صوابي
ودام الحقيقة خالفت منطق الريب = والقافلة سارت معاها ركابي
ودامي كبرت ولاح بالعارض الشيب = قدّر كبر سني .. وحسّـب حسابي
واترك كلامٍ .. لا يودي ولا يجيب = لا امحاك والله من فهارس كتابي
[/poem]

.

إسْقَاطَات ُ الحِكمَة فِي قَالب شِعْر ٍ أصِيْل ومُحكَم

نفاع
سَلِم فِكْرُك ، وحَرفُك

دُمت بِخير

الغالي ماجد

ما نثرته ـ أنت ـ هنا من كلمات يفوق جمال القصيدة يا بعدي


شكراً من الأعماق لكل حرف نثرته هنا



ثق ان لك بالقلب مكاناً يليق بك


.

الله عليك يا نفاع ,,

نص وافي .. من الوزن الثقيل , أشكرك عليه .