عنقود شوق
 

[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الصبح عنقود شوق وغصنه الشباك=وانا انكسر غصني وذبلْت صباحاتي
ليل وتمدد سواده من هنا لـ/هْناك=ما بين صمت المكان وبوح صيحاتي
الليل درب ونبت فيه السهاد اشواك=وش فايدة كثر جياتي وروحاتي ؟!
يا صاحبي والغلا في مهجتي ناداك=لكن خطفك الجفا من حضن فرحاتي
عيّا الحشا يبردك .. عيّا الجفن يغفاك=لين استضاقت علي ارحب مساحاتي
لا سامعٍ صوت يغري عقب همس شْفاك=ولا كف غيرك تضمّد لي جراحاتي
تكدّس الهم فـ/عْيوني عقب فرقاك=وعزاني الحزن في موت انشراحاتي !
بس البكا نام ! .. قل لي وين مسرى ماك ؟!=عصاني الدمع في ليلة مناحاتي !!
أختلطن بْصدر خلّك من عنا جفواك :=حابل أكاذيبك بْـ/نابل صراحاتي !
يا ليت درب المواصل يستفز خْطاك ..=للموعد اللي به آحقق طموحاتي
وان كان عييت .. تكفى بس صبّ دْفاك ..=بين الأصابع عشان اكتب بْـ/راحاتي :
كلٍ ملى سلّته من غصن هالشباك=وانا انكسر غصني وذبلْت صباحاتي [/poem]

مرحبا يابو هادي

هي المرّة الأولى التي أجد بها الذبول يزهر بالورود
ولا غرابة فهذا هو شعرك وشاعريتك قادران على أن يقودوننا إلى مالم نتخيله أصلا

مرحبا بك في أبعاد ومرحبا بنا في شعرك

لك التحية من قلب أخيك

مميز الشعر يامحمد

وعناقيد الشعر معك تتدلى

أهلا ً ياجميل

ياهلا يامحمد بك وبالشعر ..
لاعين تبصر هنا سوى عين الإعجاب
ولا حرف يرتقي للوصف ..
كثير أنت يا محمد ..

أهلا بك يامحمد في أبعادك
أنا هنا للترحيب بك وبهذا النص
الذي يستحق الإحتفاء