|
ـآلي يهاب الموت يح ـذف وينداس {جهل}
بسم الله الرحمن الرحيم إعتذر إلى جميع الإخوه الإعضاء في هذا المنتدى عن الغياب ولولا محبتكم الصادقه لم يكن لـي عودة ! قضيه واقعيه حصلت في الكثير من البشر وكما يقول المثل (( الساكت عن الحق شيطان ٍ إخرس )) ولا إريد الأ الإجر من العلي القدير " سبحانه " للإستماع للقصيده (هنا) http://www.4shared.com/audio/VY8WwuK_/_-_.html الـجهل لامنه سكن داخل الراس والفقر.. فقر ..النفس فقر الاحاسيس والبخل بخل الروح عن زفر الانفاس والطـيب يسقـى للغصون الميابيس واللي يهاب الموت يحذف وينداس والـحر نسله حـر والهيس من هيس واللي كسب سمعه وعزه ونوماس اكيد راعي طيب وراعي نواميس واصدق شعر لو ينكتب فوق كراس تلقى القوافي مدمعه بالقرا طـ...يس باقولـــــهااااا ..مدام الوجيه جلاس وأصحصح .عيون ٍ غشاها النواعيس عاشـوا ولا عاشـوا مثـل باقي الناس الســور طاح ..ولايقــومه تلييس لاصار ابوهم مازرع زرع غراس هو لـيه يحـصد دام مابه غواريس يرعى البهايم بقوة العزم والباس ويصـبح بوجـه الرخوم المفاطيس يتعب عشان يكون اعلاف واكياس ويكرم لهن ويحمس النفس تحميس س / واذا ســــــــــــــــألته عن سببهن وش الساس ؟ ج / يقــــــــــول اضـــم ا ل ق ر ش وقت المفاليس !!!! خايف يموت من العطش والافلاس يحسب زمانه من زمن عنتر وقيس واذا العـلف خلـص تكدر ويحتاس يبــيع ولده عشان يشري لهن كيس تايه يحسب انه ملك كل الإجراس عايــش حــياته بالوهم والكوابيس ((عيــاله اللي مالـقوا منه الاحساس صـــــــــــــــغااااااااااااااااااااار عن جمـيع كل المقاييــس )) من حــــــــــــولهم كل البشر زين ولباس ........ ولاهنت نفوس ٍ تربة مع { التيـــس } <::::::<< لاجبتهم بين البشر جنس ..وجناس باين وجيه المعذره ..والمناحيس طموحهم بالامن .عسكر وحراس وشموخهم مثل شموخ الدنافيس اكبرهم اللي صار للبيت نبراس كان يتمنى يسوق لكزس وكابريس ابوهم اغلط والغلط راكب الراس جاهـل وعلـق عزته باللوالـيس يطمع ونفسه نفس حاقد وبلاس عباد قرش ونوخه شايب ابليس ماعــز نسـله ولاملى ميه الكاس جلده ولوشاف البحر والنسانيس كنه رحم نسله وثابت على ساس كذاب وهو مكشوف خلف الكواليس يحــب يذكر ماضـي فيه جســاس تـايه فــكر ويتـابع مسلسل ..غليس الحــق يزعل والشعر صوت حساس والمــساله فيها من الوضــع تمقيس يالله ياللــي بامرك يهــب نســاس يلي بذكـــرك يبــعدن الوســاويس الرزق عندك ماله حساب وقياس والخـــوف لك ولاهو لسـيف فريس احفظني من الهم ووجيه الاعماس وابعدني عن درب الدنس الجواسيس وحقـق مطالــب رغبتي وابعد الياس وعــطني ثقه من هـــم وتدريـــس طالبك طلبه لايجي الفاس بالراس : : دامـــك إلهي ماعـــليه من...... ابليس _________________________ |
يالله ياللــي بامرك يهــب نســاس
يلي بذكـــرك يبــعدن الوســاويس الرزق عندك ماله حساب وقياس والخـــوف لك ولاهو لسـيف فريس احفظني من الهم ووجيه الاعماس وابعدني عن درب الدنس الجواسيس وحقـق مطالــب رغبتي وابعد الياس وعــطني ثقه من هـــم وتدريـــس طالبك طلبه لايجي الفاس بالراس : : دامـــك إلهي ماعـــليه من...... ابليس الله الله ..... اللهم آميين ياأخوي من مدخلها إلى بدنها إلى خاتمتها المناجاه العذبه إستمتعت وعشت جو القصيد الحقيقي كلها صدق وصراحه وجازت لي لأنها على الجرح ياكثرهم بهالزمن وياقل حيلتنا مع جهلهم وزود الغرور ..! صح لسانك ولافض فوك لاهنت |
وحقـق مطالــب رغبتي وابعد الياس
وعــطني ثقه من بعد هـم وتدريـــس طالبك طلبه لايجي الفاس بالراس : : دامـــك إلهي ماعـــليه من...... ابليس تم التعديل واعتذر عن الخطا الإملائي |
اقتباس:
شاكر جدا حضورك المميز |
الشاعر الشاعر سليمان الرويلي قافية ناااادرة وحروف متمكنة أقصد نادر قوافي ومتمكن حروف أنت كما أنت بروعة إنسيابك في أبيات العليّة النفس بك ملأى حد الإرتواء وتخبىء العطش لجديدك ! لا تطوّل يا بو عشيان |
.
جزل بكل ما تعنية الكلمه ويا كثر الشياطين في هـ الوطن .. ! ولكن بـ امثالك الطاهرين سـ يحرقون بـ شهاب الشعر احترامي وسلامي للشمال كله . |
* سليمآن الرويلي أصبت كبد الحقيقة والرب .. . فـ بعض الأطفآل مصيرهم مربوط بسعر الشعير ): ألف صح لسآنك |
اقتباس:
شاكر لك هذا الرد المذهل وشكرا ً لذائقتك الشعريه بالاعجاب بالقصيده غسعدني جدا جدا حضورك |
| الساعة الآن 11:53 PM |
Powered by vBulletin® Copyright ©2000 - 2025, Jelsoft Enterprises Ltd.