][ بنت الشات ][
 

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
حرمت انا اتعرف على بنت من شات=من عقب ماسلمى رمتني بيديها
ان جابها الله ليّ او كان ماجات=ماعاد هذا القلب وده يجيها
احيان احس اني (بلا) انثر شتات=واحيان احس اني بصدق اهتويها
واحيان احس اني على الشعر اقتات=واطلق عنان الروح لين احتويها
مجنون شعر وشعره يقول له هات=هاتي لي الاخبار لاجل اقتفيها
ياشعر مابه عندي اليوم اصوات=جفّت حناجرنا وحنا نبيها
هم ٍ توقد داخل الصدر بالذات=حرقة فراق ٍ ليتها بس تعيها
طبعي حبيب ٍ شارد الذهن بأوقات=يسبح خياله في رحابة يديها
لو(ن) الشعر ينفع بهالقلب مامات=ماتت وروده منهو ينشد عليها
هذاني برحل واترك القلب بآهات=واحلى قصيد اليوم رايح يجيها
سلام ياسلمى عدد عد ساعات=وترى الجفا قصة نويت ابتديها
ماعاد انا اتعرف على بنت من شات=قصه انتهت وانا حقيقه انتهيها
[/poem]

أتمنى أن تجد نافذه إلى قلوبكم
عبدالعزيز الرقابي

الشاعر عبدالعزيز الرقابي

صح السانك وانا معك في كل حرف بهذه القصيده
علاقات الشات علاقه تافهه لا تنم عن علاقه حقيقيه مضيعه للوقت
ولا تكون صادقه وقويه مجرد لعب وتسليه..

دمت بود

وادرين

وأنا أقدّر لك ِ هذه المصافحه البكر
لـ / حضورك البهي كل الشكر

المبدعه / وادرين
لحضورك هنا رائحة العطر
ولكل حرف خطته أناملك الإحترام والتقدير

شكرا ً لكل هذا الوعي ..