|
البحر .. جينا ورحنا منه للـ بيد
كل عام وأبعاد بخير كل عام وأنتم بخير : الحزن فيك أجودي والشاهد العيد مقفي له أسبوع ولـ أنت بحزنك أمعان والشارع اللي عليه تمر .. يا ارشيد في كل يوم ٍ يزيد أحزانه أنسان لا من نساك الزمن فـ انسى التناهيد بيت الزمن موحش وأحلامه اجنان شفني ليا صارت الذكرى مواعيد تدق باب الجفن وتستاحش أعيان وشفني لـ مريت جنبك والعصى بيد اومي بها كني إلا .. صرت عميان احاول أخفي دموع الأمس ويعيد شريط في خاطري من ضحك رَزان يا ارشيد عيدي وعيدك جب ْ لنا عيد نضحك مع الناس وإلا قلوبنا أحزان همك قريب ٍ وهمي قريب وابعيد تِسولف وكن بك ضيقة وحرمان وأنا لـ سالفت جبت السالفه صيد أوزن لك الحكي وزن و وزن ميزان ضي القمر والقصايد والشواريد هي صحبتي الطيبة يا عالي الشآن نكبر وتكبر تجاربنا .. بلا .. قيد ونعيش وتعيش فينا بدون عنوان البحر جينا ورحنا منه للـ بيد وأرزاقنا بيد رب الأنس والجآن ونكبر ونلقى أصاحيب ومناقيد وهموم تملأ الصدر من دون حلفان ولا صار لك في قلوب الناس تمجيد حذراك من موقف ٍ تسريه خسران والناس واجد مثل ما قلت وآزيد يا كم شجاع ٍ غدا ذا اليوم عجزان أيام وأظروف وأسرار ومواريد مـ حد ٍ روى من جسد سلمى وعطشان ؟ ويا ضحكة الخبث في ثغر التجاعيد تشبه حضور العزى في لبس فستان تنسى وننسى وبعد العيد به عيد وإلا كما كان يا ما كان ما كان ولـ أقفى بك الحظ تلقى اكثار جحّيد وقف .. وحلل مشاويرك يـَ .. ذيبان والسالفة عيد مرّك جعله اسعيد باكر تشوف المساء بــ أشجاره الزان : : ظافر الهرمسي الهاجري 18 : 09 : 2010 م |
ظافر .. وانت بخير
نقراء انفسنا بهذا النص كيف كتبتنا ؟؟ شكراً .. :34: |
ظافر يحق لنا ان نغرق هنا وان نحتسى الجمال في هذا النص والشارع اللي عليه تمر .. يا ارشيد في كل يوم ٍ يزيد أحزانه أنسان شكرا للشعر ولقلبك |
ظفرت ياظافر بنص شعر ونعم العزا والمواسات ارويتني شعر
الزميل العزيز والنقي بكل طلاله لك غيمه فيـ،لاسدرت منتهى الشعر وعيدك مبارك وكل عام وانت والشعر بخير |
اقتباس:
لك المودة والاحترام مررت وقرأت وعلقت يا محمد لك المودة والاحترام وأكثر عفوا ً لمجيئك ومصافحتك لـ قصيدتي لا هنت |
اقتباس:
الشكر لك ولـ وقوفك هنا لقد أزداد المتصفح ضياء ً صح أبدنك يا العميري |
اقتباس:
خلف كل عام وأنت بخير ولا هنت على مرورك العذب وصح الله أبدنك |
لا من نساك الزمن فـ انسى التناهيد بيت الزمن موحش وأحلامه اجنان لا الزمن ينسى ولا التناهيد يا ظافر .. وكأن قلوبنا خلقت للحزن فقط .. صح الله لسانك يا شاعر .. لقلبك الفرح |
| الساعة الآن 01:25 AM |
Powered by vBulletin® Copyright ©2000 - 2025, Jelsoft Enterprises Ltd.