السّحر الحلال
 

[poem=font=",6,white,bold,normal" bkcolor="black" bkimage="" border="double,7,black" type=2 line=0 align=center use=ex num="0,black""]
لبيـه يا قلب بْيديـنـي الـمـه=بين الضلوع ولا يدانيـه حايـف
روحي فداه وصافي القلب جمـه=ولا غيره بْماسنجر القلب ظايـف
والله لو اقدر جيت يمـه واخمـه=ودونه يداي سيوف حدب ورهايـف
اخو البدر والطهر خالـه وعمـه=والزين منه ماخذن له وصايـف
عنق الزجاجه دون نهدن يزمـه=وموج البحر خلفه ردايف ردايف
عين الوحش لافار بالصيد دمـه=ياقلبي الي صار قدمـه هدايـف
في ذمتي والله مهي بـاي ذمـه=أسكر سنه من خمر ذيك الشفايف
فمّه حرام ان المنايا بفمّه=لا صار مع فمّي حديث الولايف
لبى النّحر يوم إن روحي تشمّـه=روض ٍ يفوح المسك بين النحايف
زين النسا سفح ٍ وهو راس قمـه=شوفوا زفيره ليه/ مجنون كايف؟
والسّحر فيما دون خصر ٍ يصمّـه=يدّين طفل ٍ قفلن فوق فايف
ثمانية ثم شدّتين ٍ وضمّه =تجمّعن مع بعضهن كالحلايف
كنّ الله من البان خلفات تمّه=إلا نهوده والشّفايف / رعايف
ترياق من سمّ الحيايا وسمّه=ما والله إن يشكي من الموت خايف
بعض الجمال وخالقي كالمطمّه=ياهو يهول اللي من الزين عايف
ياليتنـي قـدام عينـه واضمـه=دب العمر والله راضي وشايـف
كلما قعد لبّيت وجهه والمّه =بين الضلوع ولا يدانيه حايف [/poem]