على دين النبي
 

السلام عليكم و رحمة الله و بركاته


[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بسم الذي نزّل تبارك والانفال=الواحد الرزاق للخلق معبود
سبحانه اللي يعطي الخير مدهال=ربني عطاني اياك يا ناعم العود
انا اشهد انك جيت من صلب رجال=وصفك جميل و كل مافيك محمود
على النقا تـْربيت و بْـطيب الاعمال=وهذا نتاج التربيـه فيك محصـود
يحق لك يا اريش العين تختال=لأنك ثمين و معدنك ماله وجود
جيتك على دين النبـي تستر الحال=طالب يدك بالشرع و اعمامك شهود
(ابي اخوك يْـصير خال ٍ للعيال)=ومنك النسب يتمدد فْروع ويسود
وابي تعرف انك نصيبي والآمال=وانك ستر بيتـي على مر العقود
وبيديك باب الخير ياطيّب الفال=وبك نصف دين يا دفا الروح معقود
ومعك ابتدى عمري وانا خالي البال=واحس نفسي توي اللحين مولود
بهديك عمري تملكه وان العمر طال=بثبت لك اني فالشدايد لك زْنود
انا حزام ٍ يسندك وقت الاهوال=وانا طريقك لا غدى الدرب مسدود
وانا لجل ترتاح بتحمل ثـْقال=وانا الرخا لو يصبح الوضع مشدود
وانا يمين تـْجود في كل الاحوال=وانا سـما في دنيتك مالها حْدود
وانا لك اجيب الصعب لو هو مْحال=ومابه صعب عندي مادام انت موجود
خذني وطن يبني لك أحلام وآمال=وانا اوعدك بزرع لك الدنيا وْرود
[/poem]

محمد

تطرق ابواب القلب بكل سلاسه وعذوبه
ومعك احلى واجمل طواريق الشعر
تكتب السهل الممتنع البعيد عن التصنّع والتكلّف

لك ملكه عجيبه حين شعر

لله انت