|
منديلك ..!
اعذرو فوضويتها .. :)
.. يمدي نغنيلك ؟ انا .. وحزني .. وبعض اخباري .. وليلك .. بعثرتنا .. همومي الغبرا ... عبث .. وانتثرنا لك .. على خد الورق .. ياعساك تكفّنا باطراف ... منديلك ! اخر .. حدودك مداي ......... واول ... حدودك جفن ! ليه اشوفك في سماي ......... ومقدر اسكن بك وطن ؟ لمسة كفوفك .. فضاي ......... لكن اعيشك ... سجن ! صعبه ... تقيّد خطاي ......... واركض برمضاء حزن ! مبُهم ... تشابه شفاي ......... لانويت انطق .... بكن ! اترك غيوم البكي .. دام الحكي .. ملّ في صحراء المسامع .. يشتكي و ماعلينا .. ناظر وشوف المساء شرّع يدينه .. للأماني .. يحترينا .. تعال نحتاجك تجينا .. اشبك ايديك .. بيدينا .. واترك غيابك على كتف المنام ولا تهزّه .. مانبيه بصمته يعكّر حكينا .. واذا ودّك .... تعال اقرب ... بـ اغنيلك وش بلى ظُلم الزوايا .... يعتريني ............. وانت شمعه .. تضوي بكل الزوايا خايف اشعل شمعتك .. تذبل يديني ............ وان طفت شمعتك .. تذبل بي حنايا وحدي الليله .. معي جمرة حنيني ............ وشف حنيني .. كيف خلاني شظايا ! جيت ابتهجّى .. غيابك في عيوني ............ غابت عيوني .. وشفتك بالمرايا ! وبقى شاعر .. من حروفه .. يغنيلك .. يمر الشوق بعيونه .. تهندم له .. وهدّم له .. صروحه .. ثم ذبل كونه .. طفت شمعه .. وطاحت بالورق دمعه .. تحاول لمس .. منديلك ! .. |
.
خايف اشعل شمعتك .. تذبل يديني ............ وان طفت شمعتك .. تذبل بي حنايا كل هذه الفوضى محرضه للشعر عذبه بلاحد مدهش جداً |
جيت ابتهجّى .. غيابك في عيوني ............ غابت عيوني .. وشفتك بالمرايا مذهله هذه المزهريه الشعريه التي اتحفتنا بها ياخالد نص جميل وراقي من شاعر اجمل |
هي الفوضوية التي تقبض على الروح متلبسة بالعشق هي نصوص جميلة يقوم كل منها قصيدة بذاته لك محبتي |
رائـعـة :)
|
ما اجمل فوضاك يا خالد فما بالك .. بــ رتابتك صح الله ألسانك |
.. خايف اشعل شمعتك .. تذبل يديني ............ وان طفت شمعتك .. تذبل بي حنايا ؛ جيت ابتهجّى .. غيابك في عيوني ............ غابت عيوني .. وشفتك بالمرايا ! ، نص وشاعر وشاعريه جذابه رقيق ي الدعجاني وعذب حتى بِ فوضاك سلس لافضّ فوكْ .. |
ما هذه الفوضى المرتبة من الأحزان !
|
| الساعة الآن 12:22 AM |
Powered by vBulletin® Copyright ©2000 - 2025, Jelsoft Enterprises Ltd.