في خاطري كلمتين.... أبيك تسمعها
 

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

أصبر علي منصدم روحـي بأجمّعهـا =أبطلق أبهام هـذا الغبـن مـن نابـي


أصبر علي باقـيٍ دمعـه بأودعهـا =من سجن عيني تروح وفدوة أحبابـي


لو كان عيب الرجال يهل مدمعهـا =لكن وشأقول عـزّ الدمـع لأهدابـي


حاولت أكابر بها لكن نـزل معهـا =مع الأسف من حسبته صفوة أصحابي


أسكت تراهـا كبيـره لا ترقعهـا =شف خنجر الغدر بيدك ويش سوّابـي


شف دمي اللي عليه وشوف موضعها =لله درّك منيشـن صـح لأعطـابـي


كنت أذخرك للسنين وسوء طالعهـا =وشلون قبل العدو خنجـرك يبدابـي


دع عنك روحي ودع عنّك مواجعها =يطيب هالجرح ولاّ عمـر مـا طابـي


في خاطري كلمتين أبيـك تسمعهـا =قبل أتوكّل علـى الله وأعلـن غيابـي


الروح هذي وطن خضـرٍ مرابعهـا =وأطهر من أنك تدوس برجلك ترابـي


ولو تغرب الشمس بعيوني لمطلعهـا =ما أفتح عقب طعنتك للخـوّه أبوابـي


المشكله مو سنيني كيـف أرجعهـا =المشكله كنت أحسبك صفوة أصحابي
[/POEM]

أسكـت تراهـا كبيـره لا ترقعهـا
شف خنجر الغدر بيدك ويش سوّابي



بيت ...عالي الجووده....بيت رائع....




المشكله مو سنيني كيـف أرجعهـا
المشكله كنت أحسبك صفوة أصحابي






نواف التركي





صح الله لسانك ...شاعر كما سمعت عنك...



قصيده رائعه...تسلم على هالابداااع

ولو تغرب الشمس بعيونـي لمطلعهـا
........................ما أفتح عقب طعنتك للخوّه أبوابـي

وش هالفكر ,,, يا سلام عليك ,, وربي ان هالقصيده حركتني من الداخل ,,

الله الله عليك يا عظيم ,,

مبدع وجزل وصاحب فكر وإحساس ,,
وهذي هي الخلطه العجيبه ,, لا اجتمع الفكر والاحساس تطلع مثل هالقصيده الي تثبت انه الشعر مازال بخير ,,


تقبل اعجابي يا الطيب ,,

كل الود

[POEM="font="Simplified Arabic,4,black,bold,normal" bkcolor="transparent" bkimage="" border="double,4,sandybrown" type=2 line=0 align=center use=ex num="0,black""]الروح هذي وطن خضـرٍ مرابعهـا = وأطهر من أنك تدوس برجلك ترابـي
ولو تغرب الشمس بعيونـي لمطلعهـا = ما أفتح عقب طعنتك للخوّه أبوابـي
المشكله مو سنيني كيـف أرجعهـا = المشكله كنت أحسبك صفوة أصحابي [/POEM]

نواف التركي

صح لسانك مليون ولا يكفوون

انتضر جديدك

دمت بخير

اخوك صالح الثبيتي

نواف التركي

قصيده رائعه
استمتعت بقرائتها


اختك احلام