عــبث
 

[poem=font=",5,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
تذكــرت الــغرام اللي تــرك يم اللقــاء عطشــان=و ذبلـت زهـرة أيامه و طـاحت من صفاء عينه
تهمّش بعــد مــا ذاق الغبن من غيبة الخــــــلان=عجـز يحيي الغروس اللي نزعها معــول إيدينه
ذرف حـبر الـعيون اللي سكبها قاسي الأزمــــان=على ضفة نــهر نـــازف تكـــون مــن شـرايينه
كسر ضلع الشموخ بطعنتين القهر و الأحـــــزان=صعب جبر الـكسور اللـي سببها أقــرب محبينه
وش أقسى من عذاب الخافق إلا لوعة و حرمان=إذا غــاب الـــدواء مـــا ينفعه كثــــرة مــداوينه
وش يفيد المطر يهطل إذا كـان الغصن ذبـــــلان=و هــو من قسـوة أيامه خرج عن مايه و طينه
صحيح إنه فقــد روح الغــــــرام بزوبعة شيطان=و صحيح إن أصغر إذنــــوبه تكبرهــا شياطينه
و صحيح إن الفـراق أشعل بجوفه ثورة البركان=و صــار الحـزن و الحسرة سمه لغلب دواوينه
عبث تجري و راء حلم يتحقق من طعون إنسان=عبث تحيي شعـور ٍ مـــات من طعنة سكـــاكينه
عبث إنك تحـاول تكسي جروحه زهــر و الحـان=عبث تنثر دمـــوع ٍ مــــا تــــداوي عـلة اسنينه
عبث إنــك تقــارن زهـرة الحنظل مع الـرمـــان=عبث تزرع وسط صحراء زهر ينفث رياحينه
عبث تـرمي شجر مُثمر و تنظر نظرة الشفقـان=عبث تقطع وصـــال ٍ بين زُراعــــه و مروينه
عبث تمشي على دربٍ تخلــوا عنـّـه العميـــــان=عبث تستصلحه من بعـــــد مـا عافــوه واطينه
عبث تتحقق أحـلامـك إذا أنت مضيع الــنيشــان=عبث تغتـــال و يلاقيـــــــــك مــن أول معـزينه
عجب حال المحب إذا غدى قلبه كمـــا البستان=و أصبح أقـــــرب أحبــابه يحــرق في بساتينه
و أغرب شيء في الدنيا إذا جاك الجزاء نكران=من اللي كــان عنـوانك وكنت أجمـل عنـــاوينه
و أجمل شئ في الــدنيا مشاعـر كنها الهتان=بهـا تتفتـــــح أزهـــاره و تتــزيــن ميــــــادينه
عبث يـا قلب ما تنسى و هو دافنك بالنسيان=تلمــلـم بعثــــرتـك وتنثـــــــــرك ودوره ويـــنه[/poem]

شعر / عبدالعزيز بن عائض الشهري ( المرتجز )

الشهري


عجب ما قرأت هنا

راااق لي كثيراً

شكرا لهذا المرور العبق

احترامي